HAKIM MITA 16:10 - Alkitab Singog In Mongondow Masa In Tanaa

¹⁰ Bo ki Delila noguman kon i Simson, “Ah, nonguboḷ in iko! Iko nion in tongábí mopoyambá kon inakó. Oumandon kaasí kon inakó mongo onu in motaau potogot kon inimu!”

HAKIM MITA 16:10 Referans Kwoze

HAKIM MITA 16:13

Bo ki Delila in noguman kon i Simson, “Ah, iko in nopoyambádon bui kon inakó. Iko in nonguboḷbí. Oumandon awú kon inakó mongo onu in motaau potogot kon inimu!” Ki Simson in notubag, “Aka buokku pitu nougat poyoḷubidon in siningkoi kon pakakat in sosuji tatua, onda intua popogakod kon kayu pakakat in sosuji tatua yo moḻemédon akuoi bo mobaḻídon ná intau ibanea.”

LUKAS 22:48

Táe ki Yesus in noguman kon inia, “Yudas, degá ayokmu bidon tanaa in mobaḻí tanda kon iko in nomaḻidawandon kon i Adí Intau?”

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

AMSAL 24:28

Dikabí mobaḻí sakusi kon intau ibanea aka diá in dodoyonan inta morigon; dika doman monguboḷ kon tumpaḷa intau.

HAKIM MITA 16:7

Ki Simson in notubag, “Aka akuoi bo togoton in tontogot in piot pitu inta mobagu inta diápa moingkag totok, yo moḻemédon in akuoi bo mobaḻídon akuoi ná intau biasa.”

HAKIM MITA 16:11

Tubag i Simson, “Aka akuoi togoton in tontogot mobagu inta diápa dodai in onda pakéon, yo moḻemédon in akuoi bo mobaḻídon naonda bo intau biasa.”

NEHEMIA 6:4

Noidapot in koopat mosia nokidia in sonsoma inta ná tatua kon inakó, bo tantúku doman ogoian in totubag inta notongkai.