HAKIM MITA 15:15 - Alkitab Singog In Mongondow Masa In Tanaa

¹⁵ Onda intua nokouḻí in sia kon tuḷan ayoi in keledai inta nobagupa. Pinuyutnea in tuḷan tatua, bo pinakénea noḻimod kon intau 1.000 in kobayongnea.

HAKIM MITA 15:15 Referans Kwoze

YOSUA 23:10

Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

IMAMAT 26:8

intau ḻima nongkon imonimu mokotaḷowbí kon intau mogatut, bo aka intau mogatut monimu yo mokotaḷowdon kon intau mopuḷú noribu.

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

SAMUEL 1 14:14

Kon pinonubuan dungkuḷ tatua, ki Yonatan bo tayowmobiag tatua in noḻimod kon degá doyowamai nopuḷú in intau kon butá inta degá tonggopatmai in hitare.

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”

HAKIM MITA 7:16

Bo sinilaidon i Gideon in intaunea inta toḷu nogatut tatua nobaḻí toḷu notonsilai. Kon batúannea inogoian in torompet bo kendi tobatú inta binonuan in poḷombow.

HAKIM MITA 4:21

Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.

IBRANI 11:34

tuḷu inta noborambang nopiong monia, bo mosia in diábí kinotakuḷan. Mosia in noḻemé táe nobaḻí noropot, mosia noḷoḷakidon kon pinoparangan sahingga in sinaḷow monia in tontara mita in bangusa ibanea.

HAKIM MITA 15:16

Dá nodondongdon in ki Simson, “Takin ayoi in keledai, pinatoiku in intau toribu; takin ayoi in keledai, sinipunku in mayat mita monia.”

HAKIM MITA 15:17

Nopaḷut mako kon tua, iḷumbúneadon in tuḷan in ayoi tatua. Tuamai in tampat tatua sinangoian Ramat-Lehi.

IMAMAT 26:7

Moiko mokomampubí in monaḷow kon musungmu mita;

SAMUEL 2 23:8

Naa in tangoi in tontara mita i Daud inta ponango-nangoian: Inta muna in ki Ishbaal, intau in Hakhmoni, itoi in “Paanan Toḷu”. (Triwira). Nokoimontandon kon pinoparangan sia nonaḷow kon 800 in intau bo noḻimod kon i monia komintan takin nomaké in pandongnea.