HAKIM MITA 14:12 - Alkitab Singog In Mongondow Masa In Tanaa

¹² Bo ki Simson noguman kon i monia, “Oyúon in tangkíku. Aka kotaauan monimu, yo ogoianku in moiko kon batúannea in kaeng lenan inta moaḷus bo tumongo par in pakeang inta mogaga. Moiko in ogoianku in wakutu pitu nosinggai kon dodai in oyúonpa in rame tanaa, in motayak kon onu in mangaḻenea.

HAKIM MITA 14:12 Referans Kwoze

YEHEZKIEL 17:2

“Ei intau ilo-ilow, oumandon kon intau mita in Israel in poumpamaan,

DATU MITA IMITÁNEA 10:1

Datu bobay kon butá in Syeba nokodongogdon kon habar soaḷ ki Salomo. Dá namangoi in sia kon Yerusalem sin monungkuḷ kon i Salomo takin nobogoi in tangkí mita inta mongobogat raion.

KINOBAḺIAN 45:22

Inogoiannea doman kon i monia in tumongo par mako in ḷambung mobagu, bo ki Benyamin inogoiannea doman in doit toḷu nogatut doit in saḷaka bo ḻima doman no par in ḷambung nobagu.

DATU MITA 2 5:22

Ki Gehazi in notubag, “Ampung Tuang, akuoi in pinotabá mopotaau kon i Tuang kon bagupabí in nabi inta nobagupa namangoi nongkon Buḷud in Epraim. Ki Tuangku in moigum sinbá ki Tuang in mobogoidon in doit saḷaka 3.000 bo doyowa no par in ḷambung inta mongopia sin ogoi kon nabi doyowa tatua.”

DATU MITA 2 5:5

Ki datu in noguman, “Mopia, bayádon kon i datu in Israel. Bain momais kon surat in akuoi kon inia.” Dá nobuatdon in ki Naaman kodia-dia in doit saḷaka 30.000, doit buḷawan 6.000, bo mopuḷú nogapang in ḷambung inta mongopia.

AMSAL 1:6

Pongin natua dá mosia in monotaaudon kon onu inta noibunipa kon bonu in tonggina bo monotaaudon kon tosingogon mita in intau mobijaksana bo onu mita inta pinoyaput monia.

YAKOBUS 5:2

Kaoyúonanmu nion ain nobongkog. Pakeangmu ain kinaan in anoi.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

YOHANES 16:29

Bo murí-Nea mita in noguman kon i Yesus, “Indoiaika dá tanaa ki Tuhan taran-tarangandon diádon nomaké in oandaian,

LUKAS 14:7

Onda in ki Yesus nokoontong kon mokokiangoi mita inta nomiḻí kon tampat inta mopira totok, Sia in nongonguman kon tobatú poumpamaan kai-Nia.

MATIUS 27:28

Iḷongkut monia in ḷambung-Nea bo pinakéan monia in jubah nokasumba.

MATIUS 13:34

Tua komintan sinundú i Yesus kon intau moantó tongá nomaké in poumpamaan. Bo Sia in notundú diábí in diá nomaké in poumpamaan.

MATIUS 13:13

Manangka intua Akuoi motundú kon i monia nomaké in poumpamaan, sinbá umpaka nokoontong, táe mosia in naonda bo intau inta diá nokoontong; bo umpaka in mosia nokodongog, táe mosia in naonda bo intau inta diá nokodongog sahingga in diá kotaauan monia in mangaḻenea.

MATIUS 6:19

“Donaaidon moiko mosipun kon kapunyaan kon dunia, sin poguyaaton in sisik bo kaḻiotá, ná doman tua, mononakow mamangoi momulingkar bo monakow.

YEHEZKIEL 20:49

Táe akuoi ki Yehezkiel nomayow poḷat moguman, “Tuhan Inta Totok in moḷantud, dika potabá in akuoi moguman kon tua! Bayongan in intau ain nogamui sin akuoi in moibog mosingog pongin tangkí dá mororiga komangaḻean.”

MAZMUR 49:4

Akuoi in mopoyaputbí in tosingogon mita inta mobijaksana, onu in kon raianku naa totuubí modaḷom.

TAWARIKH 2 7:8

Ki Salomo bo bayongan in umat in Israel nomia kon rame Singgai Moḷoben in Ḷuḷung Daun pitu nosinggai in koonggotnea. Nobarong totok in intau inta noyosipun kon pinoramean tatua. Mosia in namangoi nongkon ḻipú kinoyoyayú in daḷan Hamat kon utuan noidapot in pinosigadan in Mesir kon toḷatan.

HAKIM MITA 14:11

Naonda in intau in Pilistin nokoontong kon inia, mosia nomiḻídon kon tayowmobiag toḷu nopuḷú sin mogindua kon inia.

HAKIM MITA 14:13

Táe aka diá kotaauan monimu, yo kon batúandon monimu in musti mobogoi kon inakó in kaeng lenan moaḷus bo tumongo par in pakeang inta mogaga.” Bo intau mita in Pilistin tatua noguman, “Motaau! Pogumandon in tangkí tatua.”

AMSAL 31:24

Sia in nomia kon ḷambung bo baan bodongka pinotaḷuinea kon mododagang.