HAKIM MITA 13:4 - Alkitab Singog In Mongondow Masa In Tanaa

⁴ Tuamai ḷukadaidon kopiaan in awakmu. Dika monginum kon anggur ande oinumon inta mokoḷoḷangu, ande kokaanon inta pinoton.

HAKIM MITA 13:4 Referans Kwoze

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

HAKIM MITA 13:7

Táe sia in noguman kon inakó kon akuoi in monogusiandon bo mokouḻí kon adí ḷoḷaki. Sia in noguman doman kon akuoi in diábí motaau in monginum kon anggur andeka oinumon ibanea inta mokoḷoḷangu, andeka mokaan kon kaanon inta pinoton, sin adí tatua in mustibí ogoi kon i Allah sin mobaḻí intau inta mogogundoi kon bonu in sia mobiagpa.”

OUMAN IN RASUL MITA 10:14

Ki Petrus in notubag, “Doí in akuoi, Tuhan! Sin diápabí dodai onda in akuoi in nokaan kon inta pinoton, andeka onu inta monajis.”

IMAMAT 11:47

Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.

HAKIM MITA 13:13

Tubag in malaekat i Tuhan tatua, “Ki buḷoimu in diábí motaau in monginum kon anggur andeka oinumon inta mokoḷoḷangu, bo diá doman motaau in mokaan kon onuka inta nongkon pangkoi in anggur, andeka onu inta pinoton kon hukum in agama. Musti aidannea in bayongan inta ain pinogumanku kon inia, bo ḷukadannea sinbá diá in kotaḻibannea.”