HAKIM MITA 13:2 - Alkitab Singog In Mongondow Masa In Tanaa

² Kon tungkuḷ intua oyúon in ḷoḷaki tobatú kon kotá in Zora. Ki Manoah in tangoinea, nongkon suku i Dan. Bantó in ki buḷoinea.

HAKIM MITA 13:2 Referans Kwoze

YOSUA 19:41

Butá monia naa in Zora, Esytaol, Ir-Semes,

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.

YOSUA 15:33

Kotá mita, noitakin doman in ḻipú mita kon diugneamai, inta noiukat kon sipangkoion mita in buḷud, kobayongnea komintan in mopuḷú bo opat in kotá, tuata in: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera bo Gederotaim.

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

KINOBAḺIAN 16:1

Ki Sarai, ki buḷoi Abram tatua, diápa doman nokouḻí kon adí. Táe sia in kobobantung tobatú inta mongodeaga in Mesir tangoinea in ki Hagar.

HAKIM MITA 2:1

Malaekat i Tuhan nongkon Gilgal minayá in Bokhim bo noguman kon intau mita in Israel, “Akuoi ain nopoḷuai kon i monimu nongkon Mesir, bo nodia kon i monimu sinumuot kon butá inta pinodandi-Ku kon mogoguyang monimu. Ain doman pinoguman-Ku, ‘Dodandian-Ku takin i monimu in diábí bontowon-Ku.

KINOBAḺIAN 11:30

Táe ki Sarai in bantó.

KINOBAḺIAN 49:16

Iko Dan, mononantú kon taḷá in bangusamu, iko in mobaḻí suku ná suku ibanea kon Israel.

TAWARIKH 1 2:53

bo mogoguyang in inanakan mita in inta nogutun kon Kiryat-Yearim, tuata in inanakan i Yetri, i Puti, i Sumati bo i Misrai. (Intau mita in kotá in Zora bo Eshtaol in intau mita inta nongkon inanakan mita tatua.)