HAKIM MITA 13:12 - Alkitab Singog In Mongondow Masa In Tanaa

¹² Bo ki Manoah noḻibó, “Aka mobaḻídon onu inta pinoguman i Tuang tua, yo onu in musti pomiaan in adí tatua? Naonda degá in kobiagannea moiduduimai?”

HAKIM MITA 13:12 Referans Kwoze

EPESUS 6:4

Bo moiko uḻe guyanga mita ḷoḷaki! Dika rupa-rupaanmai monimu in mosia modapot in tumorú. Nanaa in aidai: biag in mosia kotompia bo tundú in onu inta mopia bo tongginaai podudui inta kinoibog i Tuhan.

AMSAL 22:6

Tundúdon in adí tobatú in kobobiag inta patus kon inia, dá modapot in sia kogoguyangannea natuabí doman in kobobiagnea.

AMSAL 4:4

akuoi in sinundú i amáku. Sia in noguman, “Toropdon in tongginaku mita, dikabí mokoimontanmai in koḻionganmu. Aidaibí onu inta sinundúku mita, sinbá mosanang in kobiaganmu.

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

HAKIM MITA 13:11

Bo ki Manoah ḷagidon dinumudui kon i buḷoinea. Sia dinimiug kon intau tatua bo noḻibó, “Ki Tuangdon degá inta nodia kon habar kon i buḷoiku?” “Totuu,” tubagnea.

HAKIM MITA 13:13

Tubag in malaekat i Tuhan tatua, “Ki buḷoimu in diábí motaau in monginum kon anggur andeka oinumon inta mokoḷoḷangu, bo diá doman motaau in mokaan kon onuka inta nongkon pangkoi in anggur, andeka onu inta pinoton kon hukum in agama. Musti aidannea in bayongan inta ain pinogumanku kon inia, bo ḷukadannea sinbá diá in kotaḻibannea.”

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.