HAKIM MITA 11:36 - Alkitab Singog In Mongondow Masa In Tanaa

³⁶ Bo guman in adí bobay tatua kon i Yepta, “Ki amá ain nongibot kon i Tuhan, bo inogoidon i Tuhan in ki Amá notuḻí kon aid moraat in intau mita in Amon, musung i Amá tua. Dá, onu inta ain pinodandi i Amá, mustibí aidan i amá.”

HAKIM MITA 11:36 Referans Kwoze

SAMUEL 2 18:19

Onda intua ki Ahimaas adí i Zadok nogumandon kon i Yoab, “Ogoipa in akuoi moribatuk mayá mokipodungkuḷ kon i datu bo modia kon habar mopia kon ki Tuhan ain noposaḷamat kon i Tuang nongkon musungnea.”

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

SAMUEL 2 19:30

Bo ki Mepiboset in notubag, “Pomayádon mako gamáan komintan i Ziba. Nosanangdon in gina in bobantung naa sin ki Tuang datu in nobuidon takin nosaḷamat.”

SAMUEL 2 18:31

Onda intua noiyaputdon in ata i Yoab tatua, bo noguman kon i datu, “Ata naa in nodia kon habar mopia kon i Tuang datu! Singgai in naa ki Tuhan ain nobogoi kon i Tuang in kauntungan kon bayongan in intau inta nomarontak.”

PINOGIAPAN 30:2

Aka ḷoḷaki tobatú modandi takin mongibot kon i Tuhan, dá sia in sinumogotdon kon tobatú dandi, sia in musti mogaid kon onu inta ain pinodandinea tatua, bo diábí motaau in monginggamá kon onu inta ain siningognea.

YOSUA 12:2

Tobatú in tangoinea in ki Sihon, datu in Amori inta noiḻitú kon Hesybon. Butá inta kon bonu in kawasanea in tongobotak in butá in Gilead; inta nongkon Aroër (kon bingkí in Ḷopá in Arnon) bo kotá inta kon yua-yuak in ḷopá tatua nodapot in kinoouput in Ongkag in Yabok inta kon pinosigadan in butá in bangusa Amon;