HAKIM MITA 11:34 - Alkitab Singog In Mongondow Masa In Tanaa

³⁴ Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

HAKIM MITA 11:34 Referans Kwoze

YEREMIA 31:4

Bangusamu in baḻíon-Kubí ponango-nangoian ná dungkuḷmai. Komintanpa doman moiko in mogamábí kon rebana bo motayok takin ḷunganga in gina.

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

HAKIM MITA 11:11

Dá nobuatdon in ki Yepta noyotakin in intau mita inta sinongguyanga kon Gilead. Bo sia in binaḻídon in intau mita in Gilead pongawasa bo itoi. Bo kon tayowon i Tuhan kon Mizpa, ki Yepta nopoigum in tuntutannea mita kon intau mita in Gilead.

HAKIM MITA 10:17

Kon dodai intua tontara in Amon nosadiadon sin mayá moparang. Mosia in nononḷoḷaigan kon Gilead.

MAZMUR 68:25

Komintanbí moindoi kon pawai kinountungan-Mu, o Allah, Allahku, Datuku, sinakinan minayá kon pogogutunan-Nea.

LUKAS 9:38

Tobatú ḷoḷaki kon sigad in intau moantó tatua nomaḷú, “Pak Guru, tuḷungaipa bo indoiai in ki adíku tuḷong tua!

LUKAS 8:42

sin wakutu intua ki adínea inta tongá totobatú tua notakit dongkadon oḷaton. Adí tatua umurdon degá mopuḷú bodoyowá notaong. Dá ki Yesus minayá. Kon bonu in binayáan tatua totok in sisíon monia in ki Yesus.

LUKAS 7:12

Naonda in mosia nodiugdon kon ngara in kotá tatua. Mosia noyodungkuḷ in intau mita inta nobuḻig kon minatoi sin poḷuai in kotá. Intau minatoi tatua in adí ḷoḷaki, adí tuḷong in intau inta boba-bobay. Nobarong intau in nongkon kotá tatua in dinumudui kon i iná in adí tatua.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

MAZMUR 150:4

Dayowdon in Sia in rebana bo tayok, dayowdon in Sia in kecapi bo bansí.

HAKIM MITA 21:21

bo poḷukadon kon tua. Bain aka mongodeaga mita in Silo ḷumuai sin momanari kon dodai in poramean taongan kon i Tuhan, moiko in mustidon ḷumuai nongkon gobá mita in anggur tatua. Bo kon batúannea in mustidon modomok kon mongodeaga tumongobatú kon sigad monia bo diaan monimu poḷagui kon butá in Benyamin sin baḻíon ki buḷoimu.

SAMUEL 2 6:14

Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

HAKIM MITA 20:1

Dá namangoidon in bayongan umat in Israel nongkon Dan kon utuan nodapot in Bersyeba kon toḷatan, bo Gilead kon pomukaan, sin dumudui kon oiní tatua. Mosia in noyosipun bo notobatú kon Mizpa kon tayowon i Tuhan.