HAKIM MITA 11:3 - Alkitab Singog In Mongondow Masa In Tanaa

³ Tuamai in ki Yepta nonaḷámaidon kon i utatnea mita bo minayá nogutun kon butá in Tob. Kon tua topaanan in intau moraat dinumugang kon inia bo minayá in mosia nogagow.

HAKIM MITA 11:3 Referans Kwoze

HAKIM MITA 9:4

Onda intua mosia nobogoi kon inia in doit saḷaka pitu nopuḷú inta ginamá nongkon baḷoi pososumbaan kon i Baal-Berit. Doit tatua pinonondan i Abimelek kon kolompó in intau mita inta mongoraat sinbá moyotakinneadon,

SAMUEL 2 10:8

Intau in Amon iḻumuai nomia kon pipidan monia kon tayowon in ngara moḷoben in Raba ibukotá monia, yo intau in Siria, intau in Tob bo Maakha nomia kon pipidan monia kon tampat monia tontaní.

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

SAMUEL 1 22:2

Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.

OUMAN IN RASUL MITA 17:5

Táe nokoontongmai kon natua, intau mita in Yahudi totok nongointoi. Dá nogoinídon in mosia kon bayongan intau moraat kon tua inta tongá umuran moyo-moyosipun sin diá kooaidan bo pinarenta monia nongacau kon bayongan kotá kon tua bo minayá nonuntun kon baḷoi i Yason intau inta nopirisayadon kon i Tuhan Yesus poḷat notayak kon i Paulus bo kon i Silas sin bayáan potayow kon intau moantó.

SAMUEL 1 27:2

Bo ki Daud takin intaunea inta onom nogatut in ḷagidon minayá kon i Akhis adí i Maokh, datu in kotá in Gat.

HAKIM MITA 11:2

Ki amánea in kogadí doman kon adí mita ḷoḷaki ibanea nongkon i buḷoinea inta sinonibuḷoinea. Naonda in adí mita tatua nongo itoidon, pinoguntundon monia in ki Yepta nongkon baḷoi amánea. Guman monia kon inia, “Iko in diábí mokouḻí kon tonsilai onuka nongkon i amá nami, sin iko nion in adíbí nongkon bobay ibanea.”