HAKIM MITA 11:23 - Alkitab Singog In Mongondow Masa In Tanaa

²³ Dá ki Tuhan, Allah in Israel, Sia tuata inta nopoguntun kon intau mita in Amori popisí in kopontingan in umat i Tuhan.

HAKIM MITA 11:23 Referans Kwoze

HAKIM MITA 11:22

Butá in Amori tua in iḻitúan monia pinangkoi kon Arnon kon dotá in toḷatan, nodapot kon dotá in utuan kon Ongkag in Yabok, bo nongkon padang gurun kon dotá in pomukaan, nodapot kon Ongkag in Yordan kon dotá in toyopan.

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

KINOBAḺIAN 48:22

Kon inimubí nion, bo deemanbí kon i utatmu mita, ogoiku kon inimu in Sikhem, butá inta moḷumbá tatua inta ain inagowku nongkon intau mita in Amori takin kedang bo piotku.”

YOSUA 5:1

Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.

TAWARIKH 2 20:11

Tanaa, nanaabí in aid in bangusa mita tatua kon inami. Moibogbí in mosia mopoguntun kon inami nongkon butá inta inogoi-Mu kon inami.