HAKIM MITA 10:6 - Alkitab Singog In Mongondow Masa In Tanaa

⁶ Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 10:6 Referans Kwoze

DATU MITA 2 23:13

Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

DATU MITA IMITÁNEA 11:33

Aidan-Kubí intua sin ki Salomo in nonaḷámaidon kon i-Nakó bo nosumbadon kon dewa mita, inta ki Asytoret, dewi in bangusa in Sidon, Kamos, dewa in bangusa in Moab; bo Milkom, dewa in bangusa in Amon. Ki Salomo in diá dinumudui kon ibog-Ku. Diá notongkai in sia i amánea ki Daud inta motoindudui kon i-Nakó bo nogaid kon parenta-Ku mita.

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

DATU MITA IMITÁNEA 11:5

Ki Salomo in nosumba kon i Asytoret, dewi in bangusa in Sidon, bo kon i Molokh dewa inta mokorongó inta sinumba in bangusa in Amon.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

MAZMUR 106:36

Bo mosia in nosumba kon berhala mita, bo tua in nobaḻí dodoyonan kinoḷabúan monia.

DATU MITA 2 17:16

Mosia in iḻimimpat kon bayongan in hukum i Tuhan, Allah monia, bo nomia kon sapi doyowa nongkon logam sin sumbáan. Mosia in nomia kon patong i Dewi Asyera, mosumba kon tundi mita bo moibada kon i Dewa Baal.

HAKIM MITA 16:23

Kon singgai tobatú pongawasa mita in Pilistin noyosipun sin momia kon rame moḷoben bo moposumba in kuruban kon i Dagon, dewa monia. Mosia in nodondong, “Dewa naton ain nopountung kon inaton nongkon i Simson, musung naton!”

TAWARIKH 2 28:23

Sia in nopoboditodon in awaknea bo rayatnea sin noposumbadon in kuruban kon dewa mita in intau in Siria inta ain nonaḷow kon inia. Pinikirnea, “Dewa mita in Siria ain notuḷung kon datu mita in Siria, dá aka akuoi in moposumba in kuruban kon i monia, dá tuḷunganneabí doman degá in akuoi.”

DATU MITA IMITÁNEA 16:31

Diápa doman tugat kon inia in mobiag momia kon dosa naonda bo ki Datu Yerobeam, sia in notonibuḷoidon i Izebel ki adí i datu Etbaal inta nongkon Sidon, bo nosumbadon in sia kon i Baal.

SAMUEL 1 5:2

Kon tua poti tatua dinia monia pinotuot kon kuil in dewa monia, ki Dagon, bo inukat kon símai in patong in dewa tatua.

HAKIM MITA 13:1

Intau in Israel buidon binaradosa kon i Tuhan, bo ki Tuhan in nopomayádon mako kon intau in Pilistin nongawasa kon i monia opat nopuḷú notaong in koonggotnea.

HAKIM MITA 6:1

Komintanpa doman in umat Israel nogaid kon dosa kon i Tuhan, dá pinomayá-Neadon mako in bangusa in Midian nongawasa kon i monia pitu notaong in koonggotnea.

HAKIM MITA 4:1

Naonda in ki Ehud minatoi, bangusa in Israel binaradosadon bui kon i Tuhan.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

ULANGAN 31:16

Guman i Tuhan kon i Musa, “Kopatoianmu in motoyongdon. Naonda in iko matoi, bangusa Israel in diádon mosatia kon i-Nakó bo monoḻikudon kon dodandian inta pinomia-Ku takin i monia. Mosia in monaḷámaidon kon i-Nakó sin mayá mosumba kon ilah mita inta sinumba kon butá inta diádon moonggot tuotan monia.

ULANGAN 31:17

Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.

YOSUA 13:31

Bo noitakin doman in tongosilai in butá in Gilead, bo Asytarot bo Edrei, inta ibukotá doyowa in butá kawasa i Datu Og kon Basan. Bayongan in butá tatua inogoi kon tongosilai in motoḷuadí mita buí i Makhir, adí i Manasye.

HAKIM MITA 10:5

Ki Yair in minatoi domandon, bo iḷobong kon Kamon.

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

YESAYA 23:4

Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

YEHEZKIEL 27:16

Mododagang mita nongkon Siria in notaḷui kon pakakat mita inta pinotaḷuimu bo inta nongouḻímu mita inta mobayong tua. Inuboḻian monia in permata nongkon batu zamrud, kaeng nokamumu, kaeng sinujian, linen moaḷus, permata nongkon batu koral bo batu nopura delima.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

ULANGAN 13:8

yo dika indongoganmu in sia bo dika moibog dondouḷugannea in iko. Dika doman motabi ande mogoḻingoi kon intau tatua.

HAKIM MITA 8:33

Naonda in ki Gideon minatoi, intau in Israel diádon mosatia kon i Allah. Mosia in nosumbadon kon dewa mita i Baal bo binaḻídon monia in ki dewa Baal-Berit dewa monia.

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.