HAKIM MITA 10:3 - Alkitab Singog In Mongondow Masa In Tanaa

³ Nopaḷut mako kon i Tola, ki Yairdon in nobaḻí itoi kon Israel doyowa nopuḷú bo doyowa notaong in koonggotnea. Ki Yair naa in nongkon Gilead.

HAKIM MITA 10:3 Referans Kwoze

PINOGIAPAN 32:29

“Aka intau mita in Gad bo intau mita in Ruben dumudui kon parenta i Tuhan bo ḷumoḷan kon Ongkag in Yordan sin moparang, bo aka moidoyon doman kon totuḷung monia bo mountung poḷat mokoagow in moiko kon butá tatua, dá butá in Gilead musti ogoidon monimu kon i monia mobaḻí kapunyaan monia.

KINOBAḺIAN 31:48

Guman i Laban kon i Yakub, “Guntuḷan batu tanaa in mobaḻí tompoingat kon i natonda.” Tuamai tampat tatua sinangoian Galed.

HAKIM MITA 10:2

Doyowa nopuḷú bo toḷu notaong in sia nobaḻí itoi kon yuak in umat Israel, onda intua minatoi in sia bo iḷobong kon Samir.

HAKIM MITA 10:4

Ki adínea ḷoḷaki toḷu nopuḷú in koantónea. Keledai monia totakoian in toḷu nopuḷú in kobayongnea bo toḷu doman nopuḷú in ḻipú monia kon butá in Gilead. Ḻipú mita tatua sinangoianpabí ḻipú mita i Yair.