HAKIM MITA 1:15 - Alkitab Singog In Mongondow Masa In Tanaa

¹⁵ Ki Akhsa notubag, “Koibogku in butá inta oyúon in tubig, sin butá inta inogoi i amá kon inakó in butá inta diá in tubig.” Dá inogoian i Kaleb in sia in butá inta oyúon in tubig kon uḷuannea bo kon sioḷannea.

HAKIM MITA 1:15 Referans Kwoze

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

IBRANI 6:7

Butá inta umuran kouyanan bo mobogoi in hasil kon bayongan in pinomuḷa inta baraguna kon intau monononggobá, barakatanbí i Allah in butá tatua.

KORINTUS 2 9:5

Manangka intua, iraikumai yo maní potabákudon muna mamangoi kon i monimu in mosia, sinbá motaau monouḷut muna kon onu inta ogoi monimu podudui in dandi monimu tungkuḷ intua. Aka natua yo moniatadon kon onu in inogoi monimu nion inogoibí takin nosanang in gina bo deemanbí tongá pakisa.

SAMUEL 1 25:27

Tarimadon in tombuinag inta dinia in bobantung tanaa kon i Tuangku, bo kon intau mita i Tuangku.

SAMUEL 1 25:18

Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

YOSUA 15:19

Ki Akhsa in notubag, “Koibogku in butá inta oyúon doman in bokaká, sin butá inta inogoi i amá kon inakó tua diá in tubig.” Dá inogoiandon doman i Kaleb in sia in butá inta oyúon in bokaká kon dotá in uḷuan bo bokaká inta kon dotá in sioḷan.

HAKIM MITA 1:14

Kon singgai pinonikaan monia, ki Otniel nondodak kon i Akhsa sinbá moigum kon butá totampat nongkon i amánea. Dá noponagdon in ki Akhsa nongkon keledainea, bo iḻibó i Kaleb mongo onu in koibognea.

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.