HAKIM MITA 1:12 - Alkitab Singog In Mongondow Masa In Tanaa

¹² Ki Kaleb, intau tobatú nongkon suku in Yohuda, in noguman, “Ki ine in mokoagow kon Kiryat-Seper, yo sia in motaau motonibuḷoi i adíku bobay ki Akhsa.”

HAKIM MITA 1:12 Referans Kwoze

SAMUEL 1 17:25

“Indoiaika in sia!” mosia nosigumanan kon tobatú bo tobatú. “Indongogaika in tosingogon mita ponontotnea tatua! Ki Saul datu naton ain nodandi kon ki inekabí in mokoḻimod kon i Goliat, yo ogoiannea in tombuinag moḷoben. Popobuḷoi doman i datu in intau tatua kon i adínea bobay tobatú. Bo motoḷuadí in intau tatua in diádon moguboḻi kon pajak.”

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”

YOSUA 15:15

Nongkon tua sia minayá nonubu kon intau mita inta nogutun kon Debir. (Kotá inta koḻipod sinangoian Kiryat-Seper.)

HAKIM MITA 1:11

Nongkon Hebron, intau in Yohuda minayá nonubu kon kotá in Debir, inta dodai intua sinangoian Kiryat-Seper.

HAKIM MITA 1:13

Ki Otniel, adí i Kenas inta ki ai-ai i Kaleb, nokoagow kon kotá tatua. Dá inogoidon i Kaleb in ki Akhsa, ki adínea, pinobuḷoi i Otniel.

MAZMUR 60:9

Gilead bo Manasye Akuoi in kitogi, Epraim in sapoyo uwaja-Ku, bo Yohuda in tungkud in dodatuan-Ku.

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.