HAKIM MITA 1:1 - Alkitab Singog In Mongondow Masa In Tanaa

¹ Naonda in ki Yosua minatoi, umat in Israel noḻibó kon i Tuhan, “Tuhan, suku táonda degá in kon sigad nami naa inta muna-munamai mayá monubu kon intau in Kanaan?”

HAKIM MITA 1:1 Referans Kwoze

HAKIM MITA 20:18

Tontara in umat in Israel tatua minayá in tampat pooibadaan kon Betel, bo noḻibó kon i Allah, “O Tuhan, suku táonda degá inta kon sigad nami naa inta kon dungkuḷ totok mayá monubu kon intau in Benyamin?” Ki Tuhan in notubag, “Suku in Yohuda.”

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

HAKIM MITA 1:27

Suku in Manasye in diábí nopoguntun kon intau inta nogutun kon Bet-Sean, Taanakh, Dor, Yibleam bo Megido takin ḻipú mita kon diugneamai. Dá intau in Kanaan umuran nogutun kon tua.

IḶUAIAN 28:30

Ukat in Urim bo Tumim kon bonu in oḻingoi in dodob tatua sin pakéon i Harun aka sia tumayow kon i-Nakó. Kon dodai in sia yogot momia kon oaidannea tatua sia in musti umuran momaké kon oḻingoi in dodob, sinbá kotaauannea mongo onu in kinoibog-Ku kon umat Israel.”

HAKIM MITA 2:21

Tanaa in doí bidon in Akuoi mopoguntun in bangusakabí táonda inta oyúonpa kon butá in tanaa naonda in ki Yosua minatoi.

IḶUAIAN 18:15

Ki Musa in notubag, “Intau mita tatua mamangoi kon inakó sin moḻibó mongo onu in kinoibog i Allah.

HAKIM MITA 2:8

Ki Yosua adí i Nun – mogogundoi i Tuhan tua – minatoi kon dodai in umurdon mogatut bo mopuḷú notaong.

HAKIM MITA 2:9

Sia iḷobong kon butá tonsilainea tontaní, inta Timnat-Serah butá inta kon buḷud in Epraim kon dotá in utuan kon Buḷud in Gaas.

HAKIM MITA 20:27

Kon dodai in intua Poti Dodandian i Allah kon Betel, bo ki Pinehas ki adí i Eleazar, ompu i Harun, in nogaid kon oaidan saḷaku imang. Dá noḻibódon umat in Israel kon i Tuhan, “Tuhan, degá mustipa in kami mayá monubu kon i utat mita nami intau mita in Benyamin tatua, ande degá gogaiandon nami in parang tanaa?” Ki Tuhan in notubag, “tubudon in mosia! Ikoḷom popountungkudon in moiko nongkon i monia.”

SAMUEL 1 10:22

Tuamai noḻibó in intau mita kon i Tuhan, “Oo Tuhan, degá intau tatua kon naadon?” Tubag i Tuhan, “Ki Saul nogadop kon tumimai in barang mita touḷut.”

DATU MITA IMITÁNEA 22:5

Táe mopia-piabí kon munapa ḻibóon naton kon i Tuhan.”