HAGAI 1:6 - Alkitab Singog In Mongondow Masa In Tanaa

⁶ Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.

HAGAI 1:6 Referans Kwoze

HAGAI 1:9

Moiko in mongamang mako kon bungai in boyó mobayong totok, táe nouḻí magí in tongábí topiḻik; bo dinia monimu kon baḷoi, táe bungai in boyómu tatua in inirup-Ku, dá nodait dinia in tompot. Nongonu sin inaidan-Ku intua? Tubagnea in nanaa: Popisí in Baḷoi-Ku umuranpa noton apug mako, bo moiko komintan in moḷongasidon moposindog in baḷoinea-baḷoinea.

HOSEA 4:10

Moiko in mokaanbí kon kuruban mita inta pinosumba, táe moiko in umuranbí gogoyon. Moiko in mosumbabí kon dewa mita inta kai monimu in mopoḷumbá, táe intaumu in diábí modugang, sin moiko in nonaḷámaidon kon i-Nakó sin mosumba kon ilah mita ibanea.”

HAGAI 2:16

Moiko in minayádon noindoi kon bonturungan in gandum bo kai monimu kamai dá mokouḻíbí kon 200 nokilo in gandum, táe noniata magí tongábí 100 nokilo. Moiko in minayá sin monayuk kon 100 noliter in anggur kon tong in anggur, táe tongábí 40 noliter in oyúon.

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

ZAKHARIA 8:10

Kon dodai in deemanpa oras tatua diábí mokotondan kon tonaga in intau andeka mahaḷuk, bo diábí in mokorasa kon moaman nongkon indoyó in musung. Pinoropatoi-Kudon in intau tobatú takin intau ibanea.

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”

YEREMIA 44:18

Táe pinangkoi kon kami nogogai noposumba in kuruban kon i Bokí in Soroga, bo diádon nopobutak in anggur saḷaku sosumba kon inia, kami in kinodaitandon in bayongan yagi-yagi; intau mita nami in minatoi kon pinoparangan andeka popisí in ginogoi.”

YEREMIA 14:4

Uyan diá moḷabú bo butá in moingkag mopobota-botak; monononggobá mogoḻingoi kon pogot sin mogagawangdon totok.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

AYUB 20:28

Bayongan in kaoyúonannea in moinggamábí popisí in torú i Allah.

AYUB 20:22

Kon tungkuḷ in mooyúondon totok in sia, roriga bo robonoḷ in ginanea mamangoi moiantug kon inia.

DATU MITA IMITÁNEA 17:12

Boba-bobay tatua notubag, “Pinodoyon kon i Tuhan inta nobiag, Allah inta sinumba i Amá, akuoi in mongibot kon diábí in roti kon inakó. Kon inakó in dongkadon topong torigu toyoyakup kon bonu in palo, bo ḷana in zaitun topilik kon botoḷ. Akuoi in yogot mosipun kon kayu pondungú tanaa sin podungúan kon bahan tongopilikpa tatua, sinbá akuoi bo ki adíku in mongaanpa. Dongkadon tua in imbuitnea in kaanon nami, bo mopaḷut mako kon tua mogoḷatdon mako in kami kon kopatoian.”

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

IMAMAT 26:20

Bayongan inta irorigaanmu diádon in mangaḻenea, sin butámu in diá bidon in mangaḻenea bo pangkoi in ayop monimu diábí momungai.

NEHEMIA 5:2

Oyúon in noguman, “Ki adíku in nobayong. Moparaḷu in kami kon gandum sin kaanon kon kobiagan.”

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

HAGAI 1:5

Tungkuḷaika, taridiai in kaadaanmu!

HAGAI 1:7

Degá diádon kinotaauan monimu mongo nongonu sin mobaḻíbí intua?

HAGAI 1:10

Tuamai in uyan diádon moḷabú monag dá diádon in pinomuḷa in mobiag.

HAGAI 2:17

Akuoi in nopoonagdon in tompot mopatú bo uyan batu sin morimumud kon bayongan in bungai in pinomuḷa kon gobámu, táe moiko in doí doman mobui kon i-Nakó.

ULANGAN 28:17

Kinutuk in boyó in gandummu bo kaanon inta pinomia nongkon gandum tatua.

AMSAL 11:24

Oyúon in intau moibog mobogoi, táe modugangbí mooyúon, oyúon in morinut, táe modugang mobiag mobogá.