HAGAI 1:11 - Alkitab Singog In Mongondow Masa In Tanaa

¹¹ Pinopoangoi-Kudon in inta mokoingkag kon butá bo kon tombuḷud mita, kon gobá mita in gandum bo kon buḷud mita in anggur bo kon gobá mita in zaitun, bo kon bayongan in pinomuḷa kon butá tanaa, nodapot in kon bayongan in intau bo mahaḷuk takin bayongan yagi-yagi inta iramuji monimu.”

HAGAI 1:11 Referans Kwoze

HAGAI 2:17

Akuoi in nopoonagdon in tompot mopatú bo uyan batu sin morimumud kon bayongan in bungai in pinomuḷa kon gobámu, táe moiko in doí doman mobui kon i-Nakó.

ULANGAN 28:22

Ki Tuhan in mohukum kon i monimu pongin takit mita inta dumodakit, bobagá mita bo patú. Sia in mopoangoi doman in patú inta mokoingkag kon butá bo tompot inta mokopokak dá bungai in boyómu mogoguyaat. Bodito mita tatua in tantú moiuma kon i monimu modapot in moiko moyopú.

DATU MITA 2 8:1

Kon wakutu tobatú ki Tuhan nopoangoi in bodito malarat in kaanon kon butá in Israel inta nobaḻí pitu notaong in koonggotnea. Kon tungkuḷ in diápa nobaḻí intua munadon pinotaau i Elisa intua kon bobay nongkon Sunem inta ki adínea in biniagneadon bui. Pinoki pomampingan domandon i Elisa in sia takin motoḷuadínea kon ḻipú ibanea.

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

AMOS 9:6

Ki Tuhan in moposindog in baḷoi-Nea moyayú kon toḷungayá, kon tudu in butá pinosindog-Nea in ḷangit nobaḻí kubah, bo tubig nongkon dagat pinopobutak-Nea kon toba, inta nogaid kon tua mita tangoi-Nea in ki Tuhan!

AMOS 7:4

Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

AMOS 5:8

Ki Tuhanbí inta nomia kon tundi mita kon toḷungayá – tundi Belantik bo tundi Kartika. Sia in nomaḷui kon sindip nobaḻí bayag bo singgai nobaḻí doḷom; tubig nongkon dagat pinobutak-Nea kon toba. Inta nogaid kon tua mita tangoi-Nea in ki Tuhan.

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

MALEAKHI 3:9

Bayongan in bangusa in nonguboḷ kon i-Nakó, dá moiko komintan in kotugatanbí in kutuk.

MALEAKHI 3:11

Diábí pomayá-Ku mako in pangkoḷá momoguyaat kon bungai in boyómu, pangkoi mita in anggurmu in modatogbí totok in bungainea.

HAGAI 2:19

Umpaka diádon in kiagat in gandum, bo pangkoi in anggur, pangkoi in ara, pangkoi in delima bo pangkoi in zaitun diápa nomungai, táe pinangkoi kon tanaa Akuoi in momarakatdon kon i monimu!”