HABAKUK 3:4 - Alkitab Singog In Mongondow Masa In Tanaa

⁴ Iko in namangoi takin bayag motarang, nongkon ḻima-Mu ḷumuai in sindar nobayag, kon tuata in pinobunian-Mu kon kawasa-Mu.

HABAKUK 3:4 Referans Kwoze

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

IḶUAIAN 14:20

kon sigadon in tontara mita in Mesir bo intau mita Israel. Goḷom tatua nokopomukádon kon sindip, dá tonggobii tua doyowa nopaanan tatua diá motaau mosidiugan.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

AMSAL 18:10

Ki Tuhan tua in notongkaibí in ḷangkeang inta moropot; kon tua in bayáan in intau motuḻid bo mokouḻí kon tampat inta moaman.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

NEHEMIA 9:12

Pinongin goḷom dinia-Mu in mosia kon dodai in singgai. Bo kon dodai in doḷom daḷannea in sinimbayagan-Mu in oigi in tuḷú.

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

MAZMUR 18:12

Sia in nopongaḷumbun in sindip; goḷom morondí inta mobunod iḻimibu kon i-Nia.

YEHEZKIEL 1:27

Dotá in ḻimonikannea koontongan mopouḻi-uḻinag naonda bo porunggu kon yuak in dokot in tuḷú. Dotá in ḻimonagannea in nonindar mobayag,

YEHEZKIEL 43:2

bo kon tuata inontongku in nongkon dotá in pomukaan sindar mopouḻi-uḻinag inta nobaḻí tomponuot kon kinoangoian i Allah in Israel. Singog i Allah in kodongogan naonda bo singog in tubig kon dagat, bo dunia in moporia-riang popisí in sindar kinoangoian i Allah.