HABAKUK 3:10 - Alkitab Singog In Mongondow Masa In Tanaa

¹⁰ Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

HABAKUK 3:10 Referans Kwoze

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

MAZMUR 93:3

Apad in baḷangon nopodongogdon in singognea, o Tuhan, baḷangon in modugangdon kon singog in gonuaḷnea.

MATIUS 27:51

Bo indoiainmai, gorden in Baḷoi Allah nobisik nosilai doyowa nongkon ḻimonikannea nodapot in ḻimonagannea. Bo dinandúan bo buḷud mita in batu nongobotak.

YEREMIA 4:24

Inontongku in buḷud bo tombuḷud mita inta moḷantud modandú motoyang totok.

YESAYA 43:20

Biag kaḻig in mohoromatbí kon i-Nakó; serigala bo ḷagapan unta in modayowbí kon i-Nakó sin Akuoi in nogiḻig kon tubig kon padang gurun, bo ongkag mita kon rawang kayuon sin mopoinum kon umat inta piniḻí-Ku.

YOSUA 4:18

Naonda in yaput in imang mita tatua kon bingkí in ongkag, tubig in ongkag tatua buidon noiḻig bo noiḻebetdon ná dungkuḷ.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 16:12

Onda intua malaekat inggonomnea in nopobutak doman bonu in palonea kon Ongkag Eprat inta moḷoben tatua. Dá ongkag tatua in noingkagdon sahingga datu mita nongkon timur mayádon mongintua.

WAHYU 6:14

Ḷangit in kinimiot naonda bo karatas inta iḻitod. Bayongan in buḷud bo pulau nodait pinamping nongkon tampatnea mita.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

NAHUM 1:5

Buḷud mita mourot in kon tayowon-Nea; bo tombuḷudpa in notatomdon komintan. Aka ki Tuhan mamangoi, butá in moḷundan, dunia bo bayongan inta nogutun kon bonunea in mourot.

MIKHA 1:4

Buḷud mita ḷumoḷayat kon paḷad in sioḷ-Nea naonda bo lilin kon bonu in tuḷú inta modokot; butánea in moḻitu moibonu kon oyuknea mita, naonda bo tubig kon tudu in tombuḷud inta moiḻig monag.

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 65:13

Padang gurun nopuḻing in bembé domba, bayongan in tombuḷudnea mopia in gina.

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

NEHEMIA 9:11

Sinbá oyúon in bayáan in umat-Mu, dagat binotak-Mu; Pinopoḷoḷan-Mu in mosia nongin gantog in dagat inta modaḷom, naonda bo batu inta noitaḷom kon dagat inta mokoondok.

MATIUS 8:24

Bo dinaḻímai in tompot inirup noropot totok in danow tatua, dá nobokoḷ, bo bokoḷ kopiadon mondangat kon uangga inta sinakoian monia, táe wakutu intua ki Yesus nosiug noḷoḷot.

MAZMUR 104:32

Inindoian-Nea in butá bo pinomia-Nea nourot, buḷud mita iḻiai-Nea, dá iḻumuai in poyoknea.

MAZMUR 148:7

Dayowdon in ki Tuhan, ei tombonu in dunia, ei naga mita in dagat bo bayongan in baḷangon;