HABAKUK 2:2 - Alkitab Singog In Mongondow Masa In Tanaa

² Ki Tuhan in notubag kon inakó nanaa, “Kurigdon kosimantag kon butá ḷamentong tobonsig, onu inta poponiata-Ku kon inimu, sinbá mopia bacaan.

HABAKUK 2:2 Referans Kwoze

YESAYA 30:8

Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

ULANGAN 31:22

Kon singgai doman in tatua ki Musa nomais kon dondong tatua, bo notundú kon bangusa Israel.

DANIEL 12:4

Bo guman in malaekat tatua bui kon inakó, “Daniel, taḷobaidon in buk tatua in tanaa, bo kompitaidon in meterai sinbá umuran moitaḷob mako modapot kon singgai tumi. Mobayong in intau in monungkuḷ monaridi kon onu inta koyogot mobaḻí. Táe diábí in mangaḻe in inta iḷongasi monia.”

YESAYA 8:1

Ki Tuhan in noguman kon inakó, “Gamádon in batu pomomaisan moḷoben, bo paisdon kosilang: ‘Pogagowan inta Mokaḻet, Pogagowan inta moḻikat’.

ULANGAN 27:8

Kon tudu in batu inta binutakan in kapur tatua musti paison monimu kosilangon in bayongan tosingogon nongkon hukum mita i Allah.”

ULANGAN 31:19

Tuamai in paisdon in dondong tanaa bo tundúdon kon bangusa Israel nobaḻí tomponiata kon i monia.

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”

KORINTUS 2 3:12

Lantaran natua in harapan nami, dá mobarani in kami mosingog kon natua.

KORINTUS 1 14:19

Táe aka wakutu in jamaat moyosipun mosumba kon i Tuhan, mosana-sanangbí in ginaku in mopoyaput in ḻima notontagá inta komangaḻean in intau dika in moantó in singog inta kon bonu in bahasa mokoherang táe diá komangaḻean in intau. Tuabí in totok kinoibogku sinbá motaau in akuoi motundú kon intau.

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

YEREMIA 30:2

noguman kon inakó, “Paisdon kon bonu in buk tobatú in bayongan inta ain pinoguman-Ku kon inimu.

DANIEL 7:1

Kon doḷom tobatú, kon taong imitánea ki Belsyazar nobaḻí datu kon Babel, akuoi, ki Daniel in sinumogoindop bo nokouḻí kon oontongon. Togoindop tatua in pinaisku bo naa in poyaputku onu inta inontongku: Tompot moropot nogirup nongkon bayongan tampat bo nokopopisí kon nomuká in deḷang kon baḷangon.