HABAKUK 2:12 - Alkitab Singog In Mongondow Masa In Tanaa

¹² Kinutukdon in iko! Iko in moposindog in kotá pinodoyon kon aid moraat bo mobaḷoi pongin poḻimodan.

HABAKUK 2:12 Referans Kwoze

MIKHA 3:10

Moiko in moposindog in Yerusalem, kotá i Allah, podoyon kon poḻimodan bo aid diá moadil.

NAHUM 3:1

Moboditodon in kotá tanaa inta nopuḻing in uboḷ bo poḻimodan; nopuḻing in pakakat inta sinokoagow andeka dinomok.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

YOSUA 6:26

Kon dodai intua ki Yosua nopoḷuai in parenta nanaa, “Ki inekabí in moḷongasi moposindog bui in kotá in Yerikho tanaa, yo kotugatan in kutuk i Tuhan. Ki ine in momia kon datoḷannea yo kopatoianbí in adínea guya-guyang; bo ki ine in mopoguḻit in ḷoḻingkopnea mita yo kopatoianbí in adínea muit.”

YEHEZKIEL 24:9

Ki Tuhan Inta Totok in moḷantud in noguman, “Moboditodon in kotá inta nopuḻing in moḷoḻimod tatua! Akuoibí tontaní in monompia kon kayu potubáan kon inia.

DATU MITA IMITÁNEA 16:34

Kon tungkuḷ in pinomarentaan i Ahab, kotá in Yerikho pinosindogdon bui i Hiel intau in Betel. Táe ná inta ain pinoguman muna i Tuhan pinongin i Yosua ki adí i Nun, ki Hiel kinobuḻian i adínea doyowa: ki Abiram inta guya-guyang in minatoi kon dodai in ki Hiel nogukatdon kon pondasi in kotá, bo ki Segub inta ai-ai in minatoi kon dodai in ki Hiel noposindogdon in bonawang mita in kotá tatua.

KORINTUS 2 1:21

Sin ki Allahbí in tantú nobogoi in ropot kon inami bo kon i monimu, sahingga in tantú notobatú i Kristus; bo Siabí doman tua inta nomiḻí kon i naton mobaḻí umat inta kinotabi-Nea.

HABAKUK 2:6

Táe bayongan inta ain pinotungkudnea tatua in monigidbí bo mopoḷoḻeke kon inia. Mosia in moguman nanaa, “Kinutukdon in iko sin nomontuyungdon kon pakakat inta deeman iko in kitogi! Dapotpa in toonu in iko in mopooyúon kon inimu tontaní pongin aid momakisa kon intau mita inta koboḻi kon inimu moguboḻi kon boḻi monia?”