HABAKUK 1:8 - Alkitab Singog In Mongondow Masa In Tanaa

⁸ Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

HABAKUK 1:8 Referans Kwoze

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

YEHEZKIEL 17:3

inta koibog-Ku ki Tuhan Inta Totok in moḷantud poguman kon i monia: Oyúon in ḷagapan boniá moḷoben tobatú inta mogaga in bubuḷnea bo kokoḻikipan mooḷad bo moropot. Iḷumayug in sia ná buḷud in Libanon, nomutoḷ kon tubu in pangkoi in ḷokuyú totanga,

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.

LUKAS 17:37

Dá murí mita i Yesus in noḻibó kon i-Nia, “Kon onda in kobaḻían intua komintan, Tuhan?” Ki Yesus in notubag, “Kon onda oyúon mahaḷuk minatoi, kon tua oyúon doman in ḷagapan mokokaan kon mahaḷuk minatoi in moyosipun.”

MATIUS 24:28

Kon onda oyúon mahaḷuk minatoi, kon tua doman in ḷagapan mokokaan kon mahaḷuk minatoi moyosipun.”

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

AYUB 9:26

Naonda bo uangga moḻikat, kobiaganku moitaḻib moḻikat totok, ná koḻikat in ḷagapan boniá monampí, modomok kon kokaanonnea.

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

YEREMIA 48:40

Ki Tuhan in noguman, “Naonda bo ḷagapan boniá nondagit takin koḻikip nosongká, natuata in bangusa tobatú in mamangoi bo mondagit kon Moab.

YEREMIA 50:42

Mosia in nodia kon piot bo pandong; mosia in morongut bo diábí kotaauan monia in ampung. Nádon gonugur in bokoḷ kon dagat natuata in singog in sioḷ in kabaḷo monia inta moribatuk sin mamangoi monubu kon Babel.

YEHEZKIEL 26:11

Tontara mita inta sinumakoi kon kabaḷo tatua in monubu kon daḷanmu mita bo moḻimod kon intaumu momaké in kedang monia. Tugumu mita inta mogaga bo moropot in umpagonbí.

NAHUM 2:5

Porwira mita inoiní kon muna; mosia in moipintud magí-mako kon dodai in monubu. Iḻimika-ḻikat in mosia in nopobayá ná dinding in kotá, pakakat pododumpak ḷagidon binaog.