HABAKUK 1:7 - Alkitab Singog In Mongondow Masa In Tanaa

⁷ Kon bayongan in tampat mosia in mokopomuká kon ondok; moidoyon kon ḷoḷatú mosia in mondoí kon bayongan in hukum koḻikudbí in inta moidudui kon ibog monia.

HABAKUK 1:7 Referans Kwoze

YESAYA 18:7

Moiangoibí in wakutunea sosumba mita poyaputdon kon i Tuhan Inta Totok in mokawasa nongkon butá tatua inta kinotaḻiban in ongkag mita, nongkon bangusanea inta moropot bo motorindog, nongkon intaunea mita inta mongoḷantud bo kuḻit moaḷus bo inta kinoondok kon sinangkub in dunia. Mosia in mamangoibí kon Sion, kon tampat inta pinosumbaan kon i Tuhan Inta Totok in mokawasa.

ULANGAN 5:27

Tuamai, bayádon Musa, bo indongogai in bayongan inta pinoguman i Tuhan Allah naton, bo potaaudon kon i nami onu in pinoguman-Nea kon inimu. Indongoganbí bo duduian nami.’

ULANGAN 5:19

Dika monakow.

YESAYA 18:2

Nongkon ḻipú tatua namangoidon in totabá mita nongin Ongkag in Nil sinumakoi kon uangga mita sinonkasigan. Ei totabá mita inta mongotoḻidat, ḷagidon pobui kon ḻipúmu inta kinotaḻiban in ongkag mita tatua. Diadon in koyow tobatú potaau kon bangusamu inta moropot bo motorindog, intaumu mita inta moḷantud bo inta moaḷus in kuḻitnea bo inta kinoondok kon sinangkub in dunia.

DANIEL 2:31

Naa in oontongon inta inontong i Tuangku: Kon tayowon i Tuangku oyúon in patong tobatú! Patong tatua in moḷoben totok, bo mopouḻi-uḻinag táe batangannea in mokokoningkim totok.

YESAYA 14:17

Sia naa degá inta norimumud kon kotá mita bo nomaḷui kon dunia naa nobaḻí rawang in bungaion? Sia naa degá inta diá kon dodai in onda in nomuḻi kon intau mita inta dinakopnea andeka inta nopomayá mako kon i monia nobui?’

YESAYA 47:8

Tuamai in indongogaidon in Akuoi, ei iko inta moibog momatuk kon kasanangan! Kainimu kamai dá moamanbí in kobiaganmu, bo diábí in ná iko. Kainimu kamai dá iko in diábí mobaḻí dongkadon boba-bobay, bo buímu in diá moyopú.

ZEPANYA 2:15

Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.