HABAKUK 1:4 - Alkitab Singog In Mongondow Masa In Tanaa

⁴ Hukum in diá pinandungmai bo inta moadil in diábí pinosindog. Intau moraat in moiḻiu kon intau inta mojujur, dá inta moadil in poyotuuion.

HABAKUK 1:4 Referans Kwoze

MAZMUR 119:126

Tuhan, wakutu-Mudon mopobayá in oaidan-Mu, sin intau mita iḻimimpatdon kon hukum-Mu.

AYUB 21:7

Nongonu sin intau moraat inogoibí i Allah mobiag moonggot, bo kapunyaan monia in umuranbí kodugang-kodugang?

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

YEHEZKIEL 9:9

Ki Allah in notubag, “Intau mita in Israel bo Yohuda in nogaidon kon dosa inta totok in moḷoben. Mosia in noḻimodon kon bayongan in tampat, bo Yerusalem in kinotorandon in aid moraat. Mosia in noguman kon Akuoi, ki Tuhan, in nonaḷámaidon kon butá tanaa dá diádon mokoontong kon aid monia.

AMOS 5:12

Kinotaauan-Ku kon totuudon moḷoben in aidmu moraat bo totuu mobayong in dosamu. Moiko in mondorot kon intau mopia; moiko in motarima kon sogó inta mopomayá mako kon intau bogá inta pinopoaidan in intau diá moadil kon pongadilan.

HOSEA 10:4

Mosia in mosingog kon ambungangaḷ bo momia kon dandi diá totuu bo tumogot kon dodandian inta diá in mangaḻenea. Hukum tuuyon dá inta diá moadil in mobiag naonda bo tagoi kon gobá inta ain pinasoḷan.

YESAYA 5:20

Moboditodon in moiko inta monuui kon inta mopia bo inta moraat, inta mosindip bo inta mobayag, inta mopait bo inta moromimit!

ULANGAN 16:19

Kon bonu in mogamá kon kaputusan, mosia in diábí motaau kinotantu-tantúnea ande mobogat kon toḷosi. Mosia in diábí doman motaau motarima kon doit tondan in pelekara, sin tondan in pelekara tua in mokobilog kon intau, nodapot in intau mobijaksana bo mojujur, dá mogamádon kon kaputusan inta diá moadil.

IḶUAIAN 23:6

Dika tombogaanmu intau bogá aka monantú kon taḷá.

IḶUAIAN 23:2

Dika moibog moyokapog in intau mobarong aka mosia mogaid kon moitaḷá andeka mopotabat in atorang takin mopoyaput in tosingogon inta diá totuu.

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

MARKUS 7:9

Bo nanaa doman guman i Yesus kon i monia, “Moiko in mopandoi totok monoḻikud kon parenta i Allah sinbá motaau moḷukad kon adat monimu tontaní.

MAZMUR 94:3

O Tuhan, dapotpa in toonu in intau moraat moḷunganga in gina? Modapot in toonu kaasí o Tuhan?

MAZMUR 59:4

Indoiai, mosia in noḷabot sin moḻimod kon inakó, intau mita moḻingá noyodugang moḷawang kon inakó; bokaka deemanbí popisí in nogaid kon dosa in akuoi andeka iḻimimpat, o Tuhan.

MAZMUR 59:2

O Allah, posaḷamatdon in akuoi nongkon musungku mita, oḻingoiaidon in akuoi nongkon intau inta monubu kon inakó.

AMOS 5:7

Moboditodon in moiko, moiko inta mopoyotuuy kon inta moadil bo mogagow kon hak in intau!

YEREMIA 26:8

Noḻikat naonda in nopaḷut mako in akuoi nopotaau in bayongan koyow i Tuhan ná inta pinarenta-Nea, dinomok monia in akuoi poḷat nomaḷú “Iko in mustibí matoi!

YEREMIA 12:6

Iko in pinomaḻidawandon noidapot in ki utatmu tontaní; mosia in dinumudui doman nonubu kon inimu. Dikabí mopirisaya kon i monia, umpaka mopia in singog monia.”

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 11:3

Aka dodoyonan in kobobiag in intau posibayá, yo intau mopia in kodaitandon in akaḷ.”

DATU MITA IMITÁNEA 21:13

Intau moraat doyowa iḻimitú noyogintayow i Nabot, bo kon tayowon in intau mobayong noponapud in mosia in tosingogon kon sia in nogodi-godimaidon kon i Allah bo kon i datu. Tuamai in sia dinia pinoḷuai in kotá bo inarab in batu nodapot in minatoi.

MAZMUR 22:12

Dikabí yumayú, sin anib in nodiugdon, bo diá in motuḷung.

YESAYA 59:12

Totuu mobayong in aid moraat nami kon ini-Mu; dosa mita nami mopotaḷá kon inami. Kami in totu-totuudon nonotaau kon aid nami moraat; bo nonotaau kon dosa mita nami.

YEREMIA 8:7

Ḷagapanpa bangow in kotaauanneabí in wakutunea mobui; tarangkuku, ḷagapan tansibí bo murai in monotaau doman kon wakutunea momamping kon tampat. Táe moiko, umat-Ku, in diábí nonotaau in hukum mita inta inogoi-Ku kon inimu.