HABAKUK 1:2 - Alkitab Singog In Mongondow Masa In Tanaa

² O Tuhan modapot in toonu degá in akuoi in musti momaḷú mokituḷung? Toonu in Iko in mokidongog bo moposaḷamat kon inami nongkon pinororigaan?

HABAKUK 1:2 Referans Kwoze

OMBAḶ 3:8

Akuoi in kinumarak mopoigum in totuḷung, táe ki Allah in doíbí mokidongogmai.

YEREMIA 14:9

Nongonu sin Iko in naondabí bo intau inta notoboḻingo; naonda bo pahlawan inta diá mokotuḷung? Táe notantúbí kon Iko in naa kon yua-yuak nami, Tuhan! Kami in umat-Mu, dikabí taḷaan-Mu in kami!’ ”

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

MAZMUR 94:3

O Tuhan, dapotpa in toonu in intau moraat moḷunganga in gina? Modapot in toonu kaasí o Tuhan?

AYUB 19:7

Akuoi in nomanseḷ sin iroriga-Nea totok tua, táe diá tobatúmai in intau in nopandungmai kon inakó. “Kon onda in koadilan,” baḷúku, táe diá in nokidongog kon inakó.

ZAKHARIA 1:12

Bo malaekat tatua in noguman, “Ki Tuhan Inta Totok in mokawasa, pitu nopuḷú notaong in koonggotnea Iko in sinumorú kon Yerusalem bo kotá mita kon Yohuda. Modapot in toonu degá in Iko tumorú bo diádon mongampung kon i monia?”

MAZMUR 22:3

O Allahku, akuoi in nokuani kon tungkuḷ in singgai, táe Iko in tantúbi kibio-biómai. Akuoi in nosambayang doḷom, ginaku diá doman moodom.