EZRA 9:8 - Alkitab Singog In Mongondow Masa In Tanaa

⁸ Táe tanaa, o Tuhan Allah nami, Iko in bagubí nonotabi kon inami. Pinoḷuat-Mu in tongonumai in intau nongkon sigad nami nongkon pinononggataan sinbá mobiag motompia kon tampat inta sinondí tanaa. Inogoian-Mudon in kami in kobiagan mobagu.

EZRA 9:8 Referans Kwoze

MAZMUR 13:3

Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

MAZMUR 85:6

Modapot degá in mononoi Iko in tumorú kon inami, bo umuran tumorú modapot in adí bo ompu?

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

SURAT I PAULUS KON JAMAAT RUM 9:27

Ki Nabi Yesaya nosingog nanaa kon soaḷ intau in Israel, “Umpakabí kobayong in intau Israel ná kobayong in bungaion kon dagat, táe tongábí topiḻik in mosaḷamat;

ZAKHARIA 10:4

Nongkon sigad monia piḻíon-Ku in pongawasa, bo panglima inta momarenta kon umat-Ku.”

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.

ZAKHARIA 8:6

Soaḷ tatua in koontongan diá kumaan kon akaḷ kon intau mita inta nobiagpa nongkon bangusa tanaa, táe diábí in diá kumaan kon akaḷ-Ku.

YEHEZKIEL 14:22

Aka kuma bo oyúon in mokoḷagui bo moposaḷamat kon i adínea mita, taridiaidon in mosia aka mosia mamangoi kon inimu. Indoiai naonda in moraat monia, dá kotaauandon monimu kon noitugatbí in aid-Ku mohukum kon Yerusalem.

YEREMIA 44:14

Bo intau in Yohuda inta ki agatnea, inta ain minayá in Mesir sin mogutun kon tua, diábí tobatúmai in mokoḷagui andeka mobiag. Diábí tobatúmai in kon sigad monia in mobuipa mangoi kon Yohuda, umpakabí tua in totok in koibog monia. Totuu, diábí in mobui koḻikudbí in inta moḷoḷagui.”

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,

YESAYA 56:5

dá tangoimu in toropon kon bonu in Baḷoi-Ku bo kon yuak in bangusa-Ku. Tua in mopia-pia in kogadí ḷoḷaki bo bobay. Moiko in ogoian-Ku in tangoi mononoi inta diábí ḻiongon.”

YESAYA 1:9

Aka ki Tuhan Inta Totok in mokawasa diá noposaḷamat kon tongonumai in intau kon i naton, yo kita in noyopú bidon komintan, naonda bo Sodom bo Gomora.

MOHOHUTUBA 12:11

Tosingogon in intau moarip tua in naonda bo tungkud moruit in gombala tobatú, tungkud inta pinakénea poḷukad kon dombanea. Pinosipunan kon amsal bo tonggina, naonda bo pakú inta noikeket noropot. Tua komintan ki Allahbí doman in nobogoi, gombala naton totobatú tua.

MAZMUR 138:7

Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

MAZMUR 34:5

Akuoi in nosambayang kon i Tuhan, bo sinubagan-Nea, bo nopoḷuat kon inakó nongkon bayongan inta mokoondok.

AYUB 33:30

sinbá Sia in motaau moposaḷamat kon intau bo mobogoi in kopiaan kon kobiagannea.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

EZRA 9:9

Kon tungkuḷ in kami kon pinononggataanpa, diábí sinaḷáan-Mu in kami. Binaḻí-Mu in kami kinotabi in datu mita in Persia bo pinomayá mako in nobiag bo noposindog bui in Baḷoi-Mu inta dongkadon rumbunnea tua. Iḷukadan-Mu in kami in kon naa, kon Yohuda bo kon Yerusalem.

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

SAMUEL 1 14:29

Ki Yonatan in notubag, “Moiḻiudon totok in dodia i amáku tatua kon bangusa naton! Indoiai, kaadaanku tanaa in mopia-piadon naonda in akuoi nokaan kon biluk topiḻik.

SAMUEL 1 14:27

Táe ki Yonatan in diábí nonotaau kon ki amánea ain nonontot kon rayat takin kutuk tatua; tuamai in tungkudnea pinotundúneadon, bo pinopoturaknea kon pugad in biluk tatua, bodongka ginamánea in biluk tatua bo poḷat kinaan. Dá baḷúdon kinorasaannea kon mosehat bo nodugangdon noropot.

AMSAL 29:13

Intau bogá bo inta mondorotmai kon inia in oyúonbí in yotongkainea; kon inayadua tua tumpaḷabí ki Tuhan in nobogoi in mata sin poindoi kon bayag in kobiagan.

YESAYA 14:3

Ki Tuhan in mopoḷuatbí kon intau in Israel nongkon takit bo roriganea, bo nongkon oaidan mobogat inta pinakisa pinoki aid kon inia.

MAZMUR 13:4

Indoiaidon in akuoi, kaasí o Tuhan Allahku, tubagaipa kaasí in sambayangku. Poguḻídon in ropotku, bo dikadon pomayá mako in akuoi matoi.

YESAYA 6:13

Modapot in aka kon sigad in intau mopuḷú oyúonpa in tobatú inta nogutun kon butá tatua, sia in yopúonbí doman. Táe naonda bo pangkoi in nunuk aka pupuḷon yo oyúonpa in tuodnea, natua doman oyúonpa in ki agat in bangusa tatua inta nobaḻí pomangkoian in umat inta motusi.”

ZEPANYA 3:12

Kon tua pomayá-Kudon mako in mogutun in tobatú bangusa inta moompá in dodia, inta mopongata in totuḷung-Ku. Mosia in motaaubí in mogutun kon tua.