EZRA 7:17 - Alkitab Singog In Mongondow Masa In Tanaa

¹⁷ Pakédon kopia in doit tatua sin potaḷui kon sapi koḷakian, domba koḷakian, ki adí in domba, gandum bo anggur. Posumba intua komintan kon tudu in mezbah Baḷoi Tuhan kon Yerusalem.

EZRA 7:17 Referans Kwoze

YOHANES 2:14

Kon palas in Baḷoi Tuhan inta kon Yerusalem, oyúon in intau inta mopopotaḷui mita in sapi, domba, bo paḷoma, bo oyúon doman in intau inta mopoponoḻiu in doit in ḻimitú mako kon tua.

EZRA 7:18

Saḷaka bo buḷawan inta ki agatnea in motaaubí pakéon i Utat kon kaparaḷuan i Utat bo totakin i Utat mita podudui in ibog i Allah i Utat.

YESAYA 16:1

Nongkon kotá in Sela kon padang gurun, bangusa in Moab nokidia in adí in domba sin ogoi mobaḻí tombuinag kon mongongawasa kon Yerusalem.

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”