EZRA 7:10 - Alkitab Singog In Mongondow Masa In Tanaa

¹⁰ Ki Ezra in totokdon in nonaridi kon Hukum i Tuhan, sin aidan bo motundú kon bayongan in inta sinantú bo atorangnea kon bangusa in Israel.

EZRA 7:10 Referans Kwoze

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

MAZMUR 1:2

táe inta moibog mogaid kon parenta i Tuhan bo inta tantú monano-nanob kon tua singgai doḷom.

EZRA 7:25

Ki Utat ki Ezra, pakédon in pandoi inta ain inogoi i Allah kon i Utat, bo duídon in itoi mita bo hakim mita sin momarenta kon bayongan in intau kon propinsi Eprat Toyopan inta nobiag podudui in Hukum i Allah i Utat. Ki Utat in mustibí motundú kon Hukum tatua kon bayongan in intau inta diápa nonotaau kon tua.

MAZMUR 19:7

Sia in noḻibu kon ḷangit nongkon popodnea tobatú nodapot in popodnea ibanea; diábí in kotaḻiban in patúnea.

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.

TAWARIKH 1 29:18

Oo Tuhan Allah, inta sinumba i Abraham, i Ishak bo i Yakub, mogoguyang nami, igumon mako ḷukadan-Mu mako sinbá umat-Mu tantú motabi kon ini-Mu ná tanaa mako bo tuḷungaidon sinbá mosia in umuran mosatia kon ini-Mu.

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

TITUS 2:1

Titus utatku, tundúbí in onu inta noitutui.

MAZMUR 119:45

Dá mobiagdon in akuoi takin diá in ḷamboinea, sin moḷongasi dumudui kon totundú-Mu.

MAZMUR 57:7

Musungku in motaan kon potait kon inakó, bo momutoḷ kon ibog in ginaku. Mosia in nongaḻi kon bubú kon daḷanku, táe mosiabí tontaní in noibonu kon tua.

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

TAWARIKH 2 19:3

Umpaka natua táe oyúonpabí in mopia kon i Tuang. Ki Tuang in noḷumbúdon kon bayongan in patong i Dewi Asyera inta sinumba in rayat bo ki Tuang in noḷongasidon nobiag podudui in ibog i Allah.”

TAWARIKH 2 12:14

Ki Rehabeam in nomiadon kon inta moraat sin diá noḷongasi nogaid kon onu inta kinoibog i Tuhan.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”

TITUS 2:15

Tundúdon kon i monia intua komintan, tongginaai bo poḷat togur kopiaan i mosia inta mokidongog kon inimu. Dika in iko moibog tomongoadíon in tobatúmai intau.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

OUMAN IN RASUL MITA 1:1

Tuang Teopilus inta mobijaksana. Kon bonu in bukku inta muna, pinaiskudon in bayongan inta inaidan bo inta sinundú i Yesus pinangkoipamai kon dodai in Sia nomangkoi nogaid

ULANGAN 16:12

Duduiaibí in bayongan parenta-Nea pokosatia, bo dika mokoḻiong kon koḻipod in moiko in atabí kon Mesir.”

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

MATIUS 5:19

Tuamai, ki ine in monginggamá kon tobatúmai in parenta kon hukum i Musa, tongákabí topiḻik, bo motundú kon inta diá moitutui kon intau ibanea, yo sia tua in tampaton kon tampat inta moompá totok kon dodatuan i Allah. Táe, ki ine inta mogaid bo motundú kon bayongan inta parenta kon hukum i Musa, yo sia tua in mokouḻí kon tampat inta moḷantud kon dodatuan i Allah.

AYUB 11:13

Ayub, daritaidon in ginamu, pomanasaḷdon! Posambayangdon kon i Allah!

EZRA 7:11

Naa in surat inta inogoi i Datu Artahsasta kon i Ezra, imang tobatú bo intau inta nonotaau totok in Hukum,

MAZMUR 119:112

Totokbí in kon ginaku in dumudui kon atorang-Mu, modapot in mopaḷut in kobiaganku.