EZRA 6:2 - Alkitab Singog In Mongondow Masa In Tanaa

² Táe pinomaisan kon tua in deemanbí nouḻí kon Babel, táe kon kotábí in Ahmeta kon butá in Media. Pais tatua in pinais kon tobatú ḻitodan bo nanaa in singognea,

EZRA 6:2 Referans Kwoze

DATU MITA 2 17:6

– inta taong noginsiow kon pinomarentaan i Hosea – ki Salmaneser nogagow kon Samaria. Bo intau in Israel in dinianea nobaḻí intau mita inta sinoko dakop pinobayá in Asyur. Tongosilai kon i monia pinobayánea in kotá Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

IBRANI 10:7

Bo Akuoi in noguman nanaa, ‘Naadon in Akuoi, o Allah! Akuoi in namangoi sin mogaid kon onu inta kinoibog-Mu, ná inta pinais kon Buk Motusi soaḷ Akuoi.’ ”

EZRA 5:17

Aka ogoi i Tuang, kami in mopoigum sinbá monaridi kon bonu in surat mita in dodatuan in Babel. Dá kotaauandon mongo totuu kon oyúon degá in parenta i Datu Kores moposindog bui in Baḷoi Tuhan kon Yerusalem tanaa. Onda intua kami mopoigum in habar kon soaḷ bontow in singog i Tuang kon soaḷ in pelekara tatua.”