EZRA 6:19 - Alkitab Singog In Mongondow Masa In Tanaa

¹⁹ Kon singgai impuḷú bo opat buḷan imitánea kon taong noiduduimai, intau mita inta ain nobui nongkon pinoḷumbúan, nomia kon rame in Paska.

EZRA 6:19 Referans Kwoze

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

EZRA 1:11

Tua komintan kobayongnea in 5.400 in mangko buḷawan bo saḷaka takin pakakat mita ibanea. Bayongan tua in dinia i Sesbazar kon tungkuḷ in sia takin intau mita inta iḷumbú ibanea nobuat nongkon Babel minayá in Yerusalem.

DANIEL 5:13

Dá ḷagidon dinia kon tayowon i datu in ki Daniel. Bo ki datu in noḻibódon kon inia, “Iko degá in ki Daniel, intau in Yahudi inta iḷumbú, inta ain dinia i amáku nongkon butá in Yohuda?