EZRA 5:5 - Alkitab Singog In Mongondow Masa In Tanaa

⁵ Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

EZRA 5:5 Referans Kwoze

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

EZRA 7:28

Pinodoyon kon totuḷung i Allah akuoi in kinosanang i datu, in monononggina bo pojabatnea mita inta nongawasa tatua; ki Tuhan Allahku ain nobogoi in ibog moḷoben kon inakó dá akuoi in nokotongganutdon kon nobayong totok in tongguḷu in inanakan Israel sin mobui kon Yerusalem.”

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

PETRUS 1 3:12

Sin umuranbí indoian i Tuhan in intau mita inta dinumudui kon onu inta kinoibog-Nea, bo umuranbí i Tuhan indongogan in sambayang mita monia; táe ki Tuhan in moḷawangbí kon intau mita inta umuran mogaid kon onu inta moraat.”

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 32:8

Guman i Tuhan, “Akuoi in motundúbí kon daḷan inta musti bayáanmu, iko in kapiton-Kubí bo tongginaan-Ku.

EZRA 8:22

Akuoi in mobangkaḷ moigum kon i datu in tontara tumotakoi kon kabaḷo sin moḷukad kon inami nongkon musung kon binayáan. Sin akuoi in nogumandon kon inia, kon ki Allah nami in momarakat kon bayongan in intau inta mogundoi kon i-Nia bo mondoí poḷat mohukum kon intau inta diá mosatia kon i-Nia.

PILIPI 1:28

Bo topiḻikmai dikabí moondok kon saturumu mita; sin aka diá moondok in moiko, yo tua in mopoontong kon mosia in taḷowonbí bo moiko in mountung, sin ki Allahbí tontaní in mobogoi intua kon i monimu.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

TAWARIKH 2 16:9

Ki Tuhan in noindoi kon sinangkub in dunia sin mobogoi in ropot-Nea kon intau mita inta mosatia kon i-Nia. Noitaḷádon in inaidanmu, tuamai nongkon tanaa iko in umurandon moyogintayow in parang.”