EZRA 5:16 - Alkitab Singog In Mongondow Masa In Tanaa

¹⁶ Bo namangoidon in ki Sesbazar kon Yerusalem bo nogukat kon pondasi in Baḷoi Tuhan tatua. Pinangkoi kon tua nodapot in tanaa pinogaidan kon tua umuranbí minayá, táe diápa doman nopaḷut.’

EZRA 5:16 Referans Kwoze

EZRA 6:15

Baḷoi Tuhan tatua in noḷapat kon singgai intoḷunea kon buḷan Adar kon taong inggonomnea kon pinomarentaan i Datu Darius.

EZRA 3:10

Kon dodai in nomangkoidon nogukat kon pondasi in Baḷoi Tuhan, imang mita nogijubah bo kokada-kadai in torompet nogamádon kon tampat monia tontaní. Intau mita in Lewi nongkon inanakan i Asap in sinimindog doman kon tua kokada-kadai in goḷantung mongointok. Mosia in nodayow kon i Tuhan podudui in atorang inta ain sinantú kon tungkuḷ in ki Datu Daud.

EZRA 3:8

Dá kon buḷan induanea, kon taong nogindua naonda in intau in Israel nobui kon Yerusalem, nomangkoidon in mosia noposindog bui in Baḷoi Tuhan. Ki Zerubabel, ki Yesua, bo topobayat monia tobangusa, imang mita, intau in Lewi, impoḷok mako in singog, komintan intau inta nokoimontandon iḷumbú, sinumakin nogaid. Intau mita in Lewi inta umur 20 notaong bo namonik sinundú pinoki indoian in oaidan kon poposindogan in Baḷoi Tuhan.

HAGAI 2:18

Kon singgai tanaa, singgai indoyowa nopuḷú bo opat buḷan in siownea, dodatoḷan in Baḷoi-Ku noḷapatdon pinoḻitú! Taridiai onu in mobaḻí pangkoion kon tanaa mako.

EZRA 5:2

Nokodongogmai kon koyow in nabi doyowa tatua, ki Zerubabel ki adí i Sealtiel bo ki Yesua ki adí i Yozadak ḷagidon nomangkoi bui noposindog in Baḷoi Tuhan kon Yerusalem, binantungan in nabi doyowa tatua.

YOHANES 2:20

Itoi mita in Yahudi tatua in noguman kon i Yesus, “Opat nopuḷú bo onom notaong pinoposindogan in Baḷoi Tuhan tanaa, bo Iko in mongaku kon mokoposindog kon tua tongá kon daḷom in toḷu nosinggai?”

EZRA 5:14

Nodapotbí in pinobuineadon bui in pakakat mita buḷawan bo saḷaka inta pinaké kon bonu in Baḷoi Tuhan bo inta ginamá nongkon Yerusalem i Nebukadnezar bo inukat kon bonu in kuil kon Babel. Pakakat mita tatua in inogoi bui i Datu Kores kon intau inta ki Sesbazar, inta ain dinuínea nobaḻí gubernur in Yohuda.

EZRA 5:15

Ki Datu in nopotabá kon inia nogamá kon pakakat mita tatua bo nopobui intua kon Baḷoi Tuhan kon Yerusalem, bo noposindog bui in Baḷoi tatua.

ZAKHARIA 4:9

Kai-nia, “Ki Zerubabel ain nogukat kon dodatoḷan in Baḷoi-Ku, bo sia in moginḷapatbí kon bayongan in bangunan tatua. Aka tua bo mobaḻí, yo kotaauandon in umat-Ku kon Akuoibí inta ain nopotabá kon inimu Zakharia kon i monia.