EZRA 4:24 - Alkitab Singog In Mongondow Masa In Tanaa

²⁴ Pinogaidan kon Baḷoi Tuhan in pinogogaidon bo diádon iningguputan nodapot kon taong nogindua kon pinomarentaan i Darius, datu in Persia.

EZRA 4:24 Referans Kwoze

HAGAI 1:15

Mosia in nomangkoidon nogaid kon singgai indoyowa nopuḷú bo opat, buḷan inggonomnea kon taong nogindua kon pinomarentaan i Datu Darius.

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

NEHEMIA 6:9

Mosia in moḷongasi mopogogondok kon inami sinbá gogaiandon nami in oaidan tatua. Akuoi in nosambayang, “Oo Allah, iropotai in akuoi!”

NEHEMIA 6:3

Tuamai in pinoki diaanku in tontubag nanaa kon i monia, “Akuoi in diábí mokopoangoi sin oyúon in oaidanku moponting. Oaidan tatua in moigogaidon aka taḷaanku sin mayá mokipodungkuḷ kon i monimu.”

EZRA 6:1

Noiduduimai kon tua podudui in parenta i Datu Darius, sinarididon kon bonu in pinotagúan kon surat kon dodatuan inta sinagú kon Babel.

EZRA 5:5

Táe ki Allah in noindoi mako bo nogoḻiung kon itoi mita in Yahudi tatua, dá intau mita moḷoben pomarenta in Persia nonantúdon kon diádon mopogogai kon i monia kon dodai in mosia diápa mokidia in surat kon i Darius bo motarima kon tubagnea.

TESALONIKA 1 2:18

Kami in nonomayádon mamangoi mokipodungkuḷ kon i monimu; kotongonumaidon degá nonungkuḷ táe umuran ḷamboian Ibilis in tomayá nami tatua.

EZRA 4:23

Naonda in surat i Artahsasta tatua binaca kon i Rehum, kon i Simsai bo kon topotakin monia, ḷagidon nobuat in mosia minayá in Yerusalem bo nomakisa kon intau in Yahudi nopogogai in oaidan moposindog bui in kotá tatua.

EZRA 5:1

Kon dodai intua doyowa in nabi, inta ki Hagai bo ki Zakharia ki adí i Ido, nomangkoidon nosingog pinodoyon kon tangoi i Allah in Israel kon intau in Yahudi inta nogutun kon Yohuda bo kon Yerusalem.

EZRA 6:14

Binantungan i Nabi Hagai bo i Zakharia, itoi mita in Yahudi nongingguput kon pinogaidan kon Baḷoi Tuhan tatua. Mosia in ḷagi noginḷapat kon Baḷoi tatua podudui in parenta i Allah Israel bo i Kores, i Darius bo i Artahsasta, datu mita in Persia tatua.

DANIEL 9:25

Paisdon bo kotaauandon in naa: Pitu pokali kon pitu notaong, in moitaḻibbí, pinangkoi kon dodai in pinoḷuai in parenta moposindog bui kon Yerusalem, modapot in mamangoi in itoi tobatú inta piniḻí i Allah. Kon bonu in pitu pokali kon onom nopuḷú bodoyowá notaong daḷan mita bo dinding mita in Yerusalem in posindogonbí bui, táe sempo in tatua in mopuḻingbí in roriga.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 2:15

Ki Tuhan in noguman, “Tungkuḷaika, taridiai onu inta ain nobaḻí kon singgai koḷabung, kon dodai in Baḷoi-Ku tanaa diápa sinompia bui! Naonda in kaadaanmu kon dodai intua?

ZAKHARIA 1:1

Kon buḷan noginwaḷu kon taong nogindua kon pinomarentaan i Datu Darius kon Persia, ki Tuhan in nopotaau in koyow tanaa kon inakó, ki Nabi Zakharia ki adí i Berekhya bo ki ompu i Ido.

EZRA 3:8

Dá kon buḷan induanea, kon taong nogindua naonda in intau in Israel nobui kon Yerusalem, nomangkoidon in mosia noposindog bui in Baḷoi Tuhan. Ki Zerubabel, ki Yesua, bo topobayat monia tobangusa, imang mita, intau in Lewi, impoḷok mako in singog, komintan intau inta nokoimontandon iḷumbú, sinumakin nogaid. Intau mita in Lewi inta umur 20 notaong bo namonik sinundú pinoki indoian in oaidan kon poposindogan in Baḷoi Tuhan.

EZRA 4:5

Mosia in nobogoi in doit kon intau mita moḷoben kon pomarentaan in Persia sinbá monginggamá kon tomayá in intau mita in Yahudi tatua. Tua komintan umuran nobaḻí kon tungkuḷ in pinomarentaan i Datu Kores nodapot kon pinomarentaan i Datu Darius.

EZRA 6:15

Baḷoi Tuhan tatua in noḷapat kon singgai intoḷunea kon buḷan Adar kon taong inggonomnea kon pinomarentaan i Datu Darius.

DANIEL 11:2

Bo onu inta pogumanku kon inimu in totuubí.” Malaekat tatua in noguman, “Toḷu in datu ibanea in momarenta kon Persia, dinuduian in datu inta inggopatnea inta mooyu-oyúon nongkon inta ibanea. Kon dodai in moḷantudon totok in kawasa bo kaoyúonannea, sia in mopoyogintayowdon in ropotnea takin dodatuan in Yunani.

HAGAI 2:18

Kon singgai tanaa, singgai indoyowa nopuḷú bo opat buḷan in siownea, dodatoḷan in Baḷoi-Ku noḷapatdon pinoḻitú! Taridiai onu in mobaḻí pangkoion kon tanaa mako.