EZRA 1:7 - Alkitab Singog In Mongondow Masa In Tanaa7 Ki Kores nopoḷuai in mangko mita bo galas mita inta paraḷu pakéon kon Baḷoi Tuhan kon Yerusalem. Pakakat mita tatua in inakutdon i Datu Nebukadnezar bo inukat kon bonu in kuil i dewanea mita tontaní. Gade chapit la |
Nodapotbí in pinobuineadon bui in pakakat mita buḷawan bo saḷaka inta pinaké kon bonu in Baḷoi Tuhan bo inta ginamá nongkon Yerusalem i Nebukadnezar bo inukat kon bonu in kuil kon Babel. Pakakat mita tatua in inogoi bui i Datu Kores kon intau inta ki Sesbazar, inta ain dinuínea nobaḻí gubernur in Yohuda.
Bayongan in pakakat buḷawan inta pinomia i Datu Salomo sin pakéon kon Baḷoi Tuhan, pinoguraat i Nebukadnezar. Bo bayongan in pakakat inta koboḻi inta kon bonu in Baḷoi Tuhan tatua bo kon komaḻig in dinianea minayá in Babel. Bayongan intua nobaḻí noidudui kon onu inta ain siningog i Tuhan muna.
Ki Tuangku in dinumodia kon i Tuhan kon soroga bo nokobaḻí nokidia mangoi kon naa in bayongan palo mita inta ain inagow nongkon Baḷoi i Tuhan. Bo ki Tuangku takin intau mita moḷoben, bo ki buḷoi mita i Tuangku takin pahang mita i Tuangku in nonginum nomaké in palo mita tatua. Ki Tuangku in nodayow kon dewa mita inta pinomia nongkon buḷawan, saḷaka, bitú, uatoi, kayu bo batu, dewa mita inta diá mokoontong andeka mokodongog andeka momangaḻe kon onuka. Ki Tuangku in diá mohoromat kon i Allah inta nonantú kon kobiagan bo kopatoian i Tuangku bo inta monantú kon daḷan kobiagan i Tuangku.