ESTER 9:4 - Alkitab Singog In Mongondow Masa In Tanaa

⁴ Kon sinangkub in dodatuan, kinotaauan in intau mita kon ki Mordekhai tua in moḷobenbí totok in pongarunea kon komaḻig bo kodugang-kodugang domandon in kawasa nea.

ESTER 9:4 Referans Kwoze

TAWARIKH 1 11:9

Koonggot-koonggot koropot-koropotdon in ki Daud, sin ki Tuhan Inta Totok in mokawasa notuḷung kon inia.

SAMUEL 2 3:1

Parang kon sigad in intau mita inta moibog kon motoḷuadí i Saul bo intau mita inta moibog kon i Daud tantúpa doman mobaḻí. Ki Daud in kodugang-kodugangdon in ropotnea, bo musungnea in koyangkó-koyangkódon.

ZEPANYA 3:19

Moiangoibí in orasnea kon monondorotmu rimumudon-Ku, bo intau nopelong posaḷamaton-Ku; bayongan in intau inta iḷumbú kapiton-Ku mobui. Koyoyempeng monia baḷuian-Ku mobaḻí kahoromatan; kon ondakabí, nodapot in kon sinangkub in butá, mosia in pomuliaanbí bo dayowon.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

MAZMUR 18:43

Mosia in irimumudku naonda bo ḷobud inta posirarit, bo kinaitanku naonda bo yoná kon daḷan.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

TAWARIKH 1 14:17

Dá pinonango-nangoiandon in tangoi Daud kon bayongan tampat, bo binaḻídon i Tuhan in bayongan bangusa moondok kon i Daud.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

YOSUA 6:27

Ki Tuhan umuran kotaki-takin i Yosua, bo tangoi i Yosua kino tango-tangoiandon kon butá tatua.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

YESAYA 9:7

Ki Tuhan ain nopoḷabú in hukuman kon dodatuan in Israel.

ESTER 10:2

Bayongan in aidnea inta moḷoben bo inta motoyang, bo ouman doman inta notompod kon soaḷ naonda in sia noduí kon i Mordekhai nobaḻí pojabat inta moḷantud, in pinais kon bonu in buk ouman in datu mita in Persia bo Media.

IḶUAIAN 11:3

Binaḻídon i Tuhan in intau mita in Mesir mopia in gina kon intau Israel. Bo ki Musa nobaḻí intau inta totok in kinobangkaḷ in pogawai mita bo rayat in Mesir.

MAZMUR 92:13

Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.