ESTER 7:4 - Alkitab Singog In Mongondow Masa In Tanaa

⁴ Sin bobantung bo bangusa in bobantung naa in pinotaḷuidon sin ḻimodon. Aka kuma bo kami naa in tongábí pinotaḷui sin baḻíon ata, dá tongábí in bobantung naa kibio-biómai bo diábí monuyayow kon i Tuang. Táe tanaa in kami ḻimodon bo putúan!”

ESTER 7:4 Referans Kwoze

ESTER 3:9

Aka diá mobogat in gina i Tuang, dá mopia-piabí kon poḷuaion in surat parenta moyopú kon i monia. Bo aka ki Tuang moibog motarima kon onu in pinoigum in bobantung naa, dá notantú bidon kon bobantung naa in mokoogoibí kon noiḻiu kon 340.000 nokilo in saḷaka kon bonu in poti i Tuang.”

ULANGAN 28:68

Ki Tuhan in mogatodon bui kon i monimu mayá in Mesir tumakoi kon kapaḷ, umpaka Sia ain noguman kon moiko in diá bidon mobui mayá intua. Kon tua moiko in moramuji mopotaḷui in awakmu mobaḻí ata kon musungmu, táe diá tobatúmai in moibog motaḷui kon i monimu.”

ESTER 8:11

Surat mita tatua in noguman kon ki datu in nobogoi kon intau in Yahudi kon batúan in kotá sin motobatú bo moḷawang kon musung. Aka mosia bo tubuon in intau mita takin momaké in pakakat in parang nongkon bangusa bo propinsi in ondakabí, yo motaaubí in mosia moḷawang bo moḻimod kon intau mita inta monubu tatua takin ki buḷoi bo ki adínea mita; motaaubí in mosia moyopú kon musungnea mita modapot in modait bo poḷat mogagow kon kapunyaan in musungnea.

AMOS 2:6

Ki Tuhan in noguman, “Intau in Israel ain nopobui-buimai binaradosa, tuamai in notantú bidon kon hukumon-Ku in mosia. Intau mojujur inta diá mokopobui kon iḷuanannea, ain pinotaḷui monia nobaḻí ata. Natua doman in aid monia kon intau nobiag nobogá inta diá nokouboḻi kon boḻinea, umpaka boḻinea tatua tongá ná boḻi in aip in sioḷ togapang.

YOËL 3:6

Intau in Yohuda bo Yerusalem in dinia monimu pinoyayú kon butá monia; onda intua pinotaḷui monimu kon bangusa in Yunani.

ESTER 7:6

Ki Ester in notubag, “Ki Haman inta moraat tanaa in musung bo inta momogutú kon inami!” Takin noondok totok ki Haman inimindoi kon i datu bo kon i bokí.

NEHEMIA 5:5

Kami naa in intaubí doman in Yahudi! Ki adí nami in notongkaibí doman in adí mita in Yahudi inta ibanea! Umpaka natua táe nopakisadon in kami mopomayá mako kon i adí mita nami mobaḻí ata. Nodapot in oyúon in ki adí nami bobay in pinotaḷuidon nobaḻí ata. Kami in diá kodaya sin gobá in tudunea bo gobá in anggur nami in pinotomoyódon nami.”

SAMUEL 1 22:23

Pogutundon moyotakinku bo dika moondok. Ki Saul in moniat moḻimod kon inimu, bo akuoi doman in niatonnea mako ḻimodon. Dá, iko in moamanbí in kon tampatku naa.”

YOSUA 9:23

Popisí in moiko ain nomia kon natua, ki Allah in mohukum kon i monimu. Bangusamu in umuranbí mobaḻí ata, mononiai kon kayu bo mononangkob kon tubig pakéon kon Baḷoi i Allahku.”

LUKAS 12:45

Tongá aka bobantung tatua bo moraat bo mosingog doman kon bonu in gina nanaa, ‘Ki tuangku in diápabí moiangoi,’ bo nomangkoi in sia momongkug kon bobantung mita ibanea ḷoḷaki-bobay bodongka mayá mongaan bo monginum dapot moḷoḷangu,

ESTER 7:5

Bo noḻibódon in ki Datu Ahasyweros kon i Bokí Ester, “Ki ine in mokobaḻí momia kon natua? Kon onda in intau tatua?”

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

ESTER 9:25

Táe ki Ester in minayá kon tayowon i datu, bo ki datu in nobogoi in parenta pinais inta nokopopisí kon tomayá moraat inta inaidan i Haman in bui noiuma kon inia tontaní, dá sia bo ki adínea mita in pinopobambé kon oigi pobobambéan.

DANIEL 6:2

Ki Darius nosilai kon dodatuannea nobaḻí mogatut bo doyowa nopuḷú nopropinsi inta kon batúannea pinarenta in gubernur.