ESTER 4:8 - Alkitab Singog In Mongondow Masa In Tanaa

⁸ Ki Mordekhai in nobogoi doman kon i Hatah in salinan in surat i datu inta pinoḷuai nongkon Susan bo inta tombonunea in parenta moyopú kon intau in Yahudi. Pinotabánea in ki Hatah mobogoi in surat tatua kon i Ester bo moginsilang kon pelekara tatua kon inia, bo mopoigum doman sinbá ki Ester in mayá kon tayowon i datu sin mopoigum in totabi kon bangusanea.

ESTER 4:8 Referans Kwoze

MOHOHUTUBA 10:4

Aka iko bo torúan in pongawasa, dikabí mopoigum kon mogogai in mogaid. Umpakabí moḷoben in taḷámu, ampunganbí in iko aka moonow bo mosabar.

AYUB 9:15

Umpaka akuoi diá kotaḷá, onu in dayaku, koḻikud in mopoigum in totabi kon i Allah hakimku?

ESTER 2:20

Ki Ester in diápabí doman nopotaau kon sia in intau in Yahudi, sin diá ogoi i Mordekhai potaaunea. Ki Ester in dinumuduibí kon tonggina i Mordekhai ná kon dodaipa in sia nointokpa bo biniag in ki adí in doyowa mogutatnea tatua.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

OUMAN IN RASUL MITA 12:20

Ki Herodes in totokdon sinumorú kon intau mita in Tirus bo Sidon. Manangka intua mosia in noyotakin minayá kon tayowonnea. Muna in mosia nodondouḷug kon i Blastus, inta nobaḻí itoi kon komaḻig i Herodes, dá sinuḷungannea in mosia. Onda intua minayá in mosia kon i Herodes bo nopoigum sinbá moyodamedon, sin kaanon intau mita kon ḻipú monia in tongábí mouḻí nongkon butá inta kon bonu in kawasa i Herodes.

AMSAL 21:1

Naonda bo pononompia i Tuhan kon tubig in ongkag sinbá moiḻig podudui in ibog-Nea, natua doman in pokokapit-Nea kon raian in datu.

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

ESTER 4:9

Bo minayádon in ki Hatah kon i Ester bo nopotaau in koyow i Mordekhai kon inia.

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.