ESTER 4:13 - Alkitab Singog In Mongondow Masa In Tanaa

¹³ Dá ki Mordekhai in nokidia in tompoingat tanaa kon i Ester, “Dikabí kainimu kamai dá iko in moiḷaguibí kon intau mita in Yahudi ibanea, tongá popisí in iko nogutun kon komaḻig!

ESTER 4:13 Referans Kwoze

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.

YOHANES 12:25

Intau inta motabi kon kobiagannea, yo kobuḻian sia in kobiagannea tatua. Táe intau inta diá motabi kon kobiagannea kon dunia naa, yo sia tua in moḷukadbí kon kobiagannea inta mononoi.

IBRANI 12:3

Toropka monimu naonda in kororiga i Yesus in sinumayow kon intau mita dinosa inta noramuji totok moḷawang kon i-Nia! Tuamai in umuranbí korigon in gina bo umuran moharap.

ESTER 4:12

Bo ki Hatah in nopotaau in koyow i Ester tatua kon i Mordekhai.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”