ESTER 4:11 - Alkitab Singog In Mongondow Masa In Tanaa

¹¹ “Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

ESTER 4:11 Referans Kwoze

DANIEL 2:9

mohukum kon i monimu komintan potongkaion aka diá mokomampu in moiko mopotaau in togoindop tatua kon inakó. Moiko in moyopopog kon umuran monguboḷ mopomia ibo-ibog kon inakó takin kamang kon akuoi in momaḷuibí kon onu inta sinantúku. Yo, potaaudon in togoindop tatua, dá kotaauankudon kon moiko in mokomampu doman moginsilang kon mangaḻenea.”

ESTER 8:4

Ki datu in nopotonggó in tungkud buḷawannea kon i Ester, dá sinimindogdon in ki Ester bo noguman,

ESTER 2:14

Sia in dinia kon komaḻig i datu kon dodai in doḷom, bo nopoikoḷomai kon singgai sia in diaan kon komaḻig ibanea, bo tompiaan i Saasgas, pojabat tobatú inta moindoi kon pahang i datu. Mongodeaga tatua in diá bidon mayá kon tayowon i datu, koḻikudbí in aka moibog in ki datu bo mogoiní kon inia podudui in tangoinea.

ESTER 6:4

Bo ki datu in noguman, “Ki ine in pogawaiku kon komaḻig in tanaa mako?” Noikoḷatbí in ki Haman bagupa sinumuot kon palas in komaḻig; sia in mamangoi mopoigum kon i datu sinbá ki Mordekhai in popobambédon kon oigi inta ain pinosindog tatua.

ESTER 1:19

Manangka intua, poigumon nami sinbá ki Tuang in momontowdon kon tosingogon kon ki Bokí Wasti in diá bidon motaau mamangoi kon tayowon i Tuang. Bontow in tosingogon tatua in musti baḻíon undang-undang in Persia bo Media, sinbá diádon motaau bui inggamáan. Mopaḷut mako kon tua ogoidon in ḷoḻitúan i Bokí Wasti tatua kon bobay inta mopia-pia nongkon inia.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.

ESTER 4:10

Táe ki Ester in nopotabá bui kon inia minayá bui kon i Mordekhai takin koyow nanaa,

ESTER 4:12

Bo ki Hatah in nopotaau in koyow i Ester tatua kon i Mordekhai.