ESTER 3:11 - Alkitab Singog In Mongondow Masa In Tanaa

¹¹ Guman i datu kon inia, “Bangusa tatua bo doitnea doman in ogoiku kon inimu. Aidaidon onu inta kainimu in mopia aidan kon i monia.”

ESTER 3:11 Referans Kwoze

LUKAS 23:25

bo pinobebasneadon in intau inta inigum monia. Tobatú intau inta pinonjara popisí in pinomarontakan bo pinoḻimodan. Onda intua ki Yesus in pinosarakanneadon kon i monia sin aidanmai podudui in ibog intau mita tatua.

YEREMIA 40:4

Tanaa in bukaankudon in pinoumantungan kon inimu bo iko in buḻiankudon. Aka moibog in iko, yo motaaubí in dumudui mayá in Babel, bo ḷukadankubí in iko. Táe aka doí, diábí doman nongonu. Kon sinangkub in butá tanaa mobebasbí in iko in mayábí in onda in koibogmu.”

YEREMIA 26:14

Soaḷ akuoi, totuu kon akuoi in kon bonu in kawasamu in mopoaid kon onukabí in koibogmu.

MAZMUR 73:7

Nongkon gina monia moiḷuai in moraat; mosia in tongábí tantú morai kon tomayá mita moraat.

ESTER 3:10

Nokodongogmai kon tua, ki datu in norabut kon sisingnea nongkon gongguyamúnea inta kopake-pakénea sin mocap kon pongumuman mita inta sinotaaunea, bo inogoinea kon i Haman, musung moḷoben in bangusa Yahudi.

ESTER 3:12

Dá kon singgai in impuḷú botoḷúnea buḷan imitánea, ki Haman in nogoiní kon momomais mita i datu. Mosia in pinotabánea nomais kon surat podudui in bayongan inta pinarentanea, bo surat tatua in pinaisdon kon bonu in bayongan in singog inta pinaké kon dodatuan tatua. Surat tatua in pinais pinodoyon kon tangoi i Datu Ahasyweros bo cinapan in sisingnea, bo ḷagi pinoki dia kon pongawasa, kon gubernur bo intau moḷoben kon bayongan in propinsi. Tombonunea in parenta inta noguman kon tanggal in impuḷú botoḷúnea kon buḷan Adar, bayongan in bangusa Yahudi, pinomayá inta noguyang andeka inta noguod, pinomayá bobay andeka mongoadí, in mustibí ḻimodon diábí in taḻiban bo kapunyaan monia in gamáan.