ESTER 2:9 - Alkitab Singog In Mongondow Masa In Tanaa

⁹ Ki Hegai in noitongau totok in nokoontong kon i Ester bo noibog kon inia. Dá ḷagidon pinakéan in inta mokotaingkat bo inogoian in kaanon inta ain sinantú. Ki Ester in pinamping kon tampat inta totok in mopia kon komaḻig in bobay tatua bo mongodeaga pitu inta totok in mokaḻet kon komaḻig i datu in pinoki bantungan kon inia.

ESTER 2:9 Referans Kwoze

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

KINOBAḺIAN 39:21

Táe ki Tuhan notuḷung kon i Yusup bo umuran motabi kon inia, dapot in itoi in ponjara motabi kon inia.

ESTER 2:12

Podudui in atorang, bobay mita in tompiaan kopiraan sinbá modugang motaingkat kon bonu in totaong: onom nobuḷan in pakéan in ḷana baukan in kamania, bo onom nobuḷan moiduduimai in pakéan ḷana baukan in mongo bo mongobondu ibanea. Nopaḷut mako kon tua, kon batúan in mongodeaga mokouḻí kon wakutu mayá kon tayowon i Datu Ahasyweros.

ESTER 2:3

Ki Tuang in musti moduídon kon pogawai mita kon bayongan in propinsi in dodatuan tanaa sin motayak kon mongodeaga mita inta mongoḷunat bo diaan monia komintan kon komaḻig in bobay kon Susan naa. Ki Hegai, pojabat inta ain sinantú nobaḻí tongguḷu in tombonu in komaḻig in bobay, in moindoi kon i monia bo monompia kon koḷoḷunat monia.

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

OUMAN IN RASUL MITA 7:10

bo pinilatan i Allah in sia kon bayongan roriga bo inogoian in totabi bo pandoi wakutu in minayá kon tayowon i Piraun datu intau in Mesir tua, sahingga in binaḻí i Piraun gubernur kon butá in Mesir bo nongawasa kon bonu in komaḻig i Piraun.

MAZMUR 106:46

Binaḻí-Nea in mosia kinotabi in bayongan in intau inta nodakop kon i monia.

DATU MITA IMITÁNEA 8:50

Ampungaidon in bayongan dosa bo aid monia inta moraat kon ini-Mu, bo baḻídon in musung mita monia mopoaid in mopia kon i monia.

NEHEMIA 2:8

Koḻikud intua, noigum doman in akuoi kon surat ogoi kon i Asap, intau inta moḷoḷukad kon kayuon in dodatuan, sinbá sadiaannea in kayu inta pakéon pogaid kon ḷoḻingkop in bonawang dinding kon diug in Baḷoi Tuhan, bo pakéon kon dinding in kotá bo baḷoi inta pogutunanku. Onu in pinoigumku nodait dinuduian i datu, sin ki Allah in notuḷung kon inakó.

ESTER 5:2

Naonda in sia nokoontong kon i Ratu Ester sinimindog kon ḷuai, notabi in sia bo pinotundúnea kon i Ester in tungkudnea buḷawan. Dá dinimiug in ki Ester, bo noḻiai kon popod in tungkud tatua.

KINOBAḺIAN 39:4

Nopia in gina i Potipar kon i Yusup, bo sia binaḻíneadon simpaḷnea; bo inogoianneadon in oaidan ki Yusup monompia kon baḷoi bo bayongan kapunyaannea.