ESTER 2:22 - Alkitab Singog In Mongondow Masa In Tanaa

²² Tomayá tatua in kinotaauan i Mordekhai bo ḷaginea pinotaau kon i Ester. Bo bayá-bayá domandon inouman i Ester kon i datu onu inta pinotaau i Mordekhai tua.

ESTER 2:22 Referans Kwoze

PILIPI 2:4

Pikirdon doman in kopontingan in intau ibanea, donaai tongá momikir kon kopontingan tontaní.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

MOHOHUTUBA 10:20

Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

ESTER 7:9

Bo guman i Harbona, intau tobatú kon sigad in pojabat mita tatua, “Tuang, kon diug in baḷoi Haman oyúon in oigi pobobambéan koḷantudnea in doyowa nopuḷú bo doyowa nometer. Tua in pinosindogdon i Haman sin popobambéan kon i Mordekhai, intau inta ain noposaḷamat kon kobiagan i Tuang.” Bo ki datu in nomarenta, “Pobambédon in ki Haman kon oigi tatua!”