ESTER 2:2 - Alkitab Singog In Mongondow Masa In Tanaa

² Manangka intua monononggina mita inta modagin kon i datu in nopoyaput in tosingogon noiduduimai naa, “Maníka bo potayakandon kon mongodeaga inta moḷunat in ki Tuang.

ESTER 2:2 Referans Kwoze

DATU MITA IMITÁNEA 1:2

Bo pogawainea mita in noguman, “Inta momulia, maníka potayakan nami kon mongodeaga tobatú inta mogutun moyotakin i Tuang datu bo monompia kon i Tuang datu. Mosiugdon in sia moyotakin i Tuang datu sinbá umatúdon in awak i Tuang.”

ESTER 6:14

Koyogotpa in mosia moyosingog mako i Haman, pojabat mita in komaḻig namangoi iḻimika-ḻikat sin mogatod kon i Haman kon bobutungan inta pinomia i Ester.

ESTER 1:14

Naa in monononggina mita inta mokakit oiníon i datu: ki Karsena, ki Setar, ki Admata, ki Tarsis, ki Meres, ki Marsena, bo ki Memukan. Mosia tua in intau mita moḷoben in Persia bo Media inta koḷoḻitúan moḷantud totok kon dodatuan.

ESTER 1:10

Kon singgai impitunea, ki datu in nonginum nodapot in nosanangdon totok in ginanea. Tuamai in nogoiní in sia kon intaunea pitu inta nobaḻí bobantungnea tontaní; mosia tua in ki Mehunam, ki Bizta, ki Harbona, ki Bigta, ki Abagta, ki Zetar, bo ki Karkas.

KINOBAḺIAN 12:14

Bo noitotuu, naonda in ki Abram minayádon nongin sigad in butá tatua bo nodapotdon kon butá in Mesir, intau mita nokoontong kon ki Sarai totokbí in moḷunat.

ESTER 2:3

Ki Tuang in musti moduídon kon pogawai mita kon bayongan in propinsi in dodatuan tanaa sin motayak kon mongodeaga mita inta mongoḷunat bo diaan monia komintan kon komaḻig in bobay kon Susan naa. Ki Hegai, pojabat inta ain sinantú nobaḻí tongguḷu in tombonu in komaḻig in bobay, in moindoi kon i monia bo monompia kon koḷoḷunat monia.