ESTER 1:7 - Alkitab Singog In Mongondow Masa In Tanaa

⁷ Ki datu in noposadia in anggur inta mobarong totok inta binonu kon seré mita buḷawan inta noyagi-yagimai.

ESTER 1:7 Referans Kwoze

ESTER 2:18

Nopaḷut mako kon tua, ki datu in nomia kon rame moḷoben sin pohoromatan kon i Ester bo nogoiní kon bayongan in pogawainea bo intaunea mita moḷoben. Sia in nopotaau kon singgai pogogaian kon bayongan in dodatuan bo nosilai-silai mako kon tombuinag inta mobayong totok.

TAWARIKH 2 9:20

Bayongan in pakakat pongonginuman i Salomo in pinomiabí nongkon buḷawan, bo bayongan in pakakat in Baḷoi in Kayuon Libanon tua in pinomiabí doman nongkon buḷawan taakan. Kon tungkuḷ i Salomo, saḷaka in inanggapbí diá koboḻi.

DATU MITA IMITÁNEA 10:21

Komintan pakakat pongonginuman i Salomo in pinomia nongkon buḷawan, bo bayongan in pakakat kon Baḷoi Kayuon in Libanon in pinomiabí doman nongkon buḷawan taakan. Diábí in pinomia nongkon saḷaka, sin kon tungkuḷ i Salomo saḷaka tua in anggaponbí in intau diá in mangaḻenea.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

ESTER 1:8

Mokokiangoi mita in diábí tombobotan in anggurnea andeka pakisaan monginum. Ki datu in nomarenta bidon kon bobantung in komaḻig, sinbá pomuḷoi in tamu bantungan podudui in koibog monia kon batúan.