ESTER 1:11 - Alkitab Singog In Mongondow Masa In Tanaa

¹¹ Pinotabánea in mosia modia mangoi kon i Bokí Wasti poḷat mogisapoyo in sapoyo in dodatuan. Ki bokí tatua in moḷunat totok, bo moibog in ki datu mopoontong in koḷunatnea kon intau mita moḷoben bo bayongan in mokokiangoinea.

ESTER 1:11 Referans Kwoze

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

AMSAL 16:9

Intau in motaaubí momia kon tomayá, táe ki Allahbí in monantú kon daḷan kobiagannea.

SAMUEL 2 14:25

Ki Absalom pinuji saḷaku intau inta totok in mogaga kon bayongan in Israel. Diábí in poḻiu kon kogaganea. Pinangkoi kon paḷad in sioḷnea nodapot kon ubung in buok diábí in bogitnea.

ESTER 2:17

Siabí in kinosanang bo kinopia in gina i datu nongkon sigad in mongodeaga mita ibanea. Tuamai in kinotabi totok i datu in sia. Dá pinopoḷutudandon i datu in mahkota in dodatuan in uḷu i Ester bo binaḻí bokí in sia nomaḷui kon i Bokí Wasti.

ESTER 1:12

Táe naonda in bobantung mita tatua nopotaau in parenta i datu kon i Bokí Wasti, ki bokí in doíbí namangoi, dá sinumorúdon totok in ki datu.