EPESUS 4:9 - Alkitab Singog In Mongondow Masa In Tanaa

⁹ Dá aka kai naton “Sia noponik” dá mangaḻenea kon tua munapabí in Sia noponag nodapot kon gantog in butá naa.

EPESUS 4:9 Referans Kwoze

YOHANES 3:13

Diábí in tobatúmai intau inta nokoimontandon namonik in soroga, koḻikudbí in Sia inta ain noponag kon dunia naa, Sia tuata in ki Adí Intau.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

YOHANES 6:33

Sin roti inta inogoi i Allah in Siabí inta noponag nongkon soroga bo nobogoi in kobiagan kon intau kon dunia.”

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

MAZMUR 63:9

Kinadaianku in Iko kinoringkut, ḻima-Mu in noginroton kon inakó.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

MAZMUR 8:5

yo onubí degá in intau tua, nodapot in sinorop-Mu in sia, ki ine in sia, dá iḷukadan-Mu?

KINOBAḺIAN 11:5

Dá ki Tuhan namangoidon sin moindoi kon kotá bo ḷangkeang inta pinosindog in intau.

IBRANI 2:7

Kon bonu in wakutu notoyong binaḻí-Mu in sia topí noḻin ompá nongkon malaekat. Táe noiduduimai kon tua inogoian-Mudon in tampat inta momulia bo totok in ihoromat in sia,

YOHANES 8:14

Ki Yesus in notubag, “Umpakabí in Akuoi mongonguman kon soaḷ kaadaan-Ku tontaní, táe totuubí onu inouman-Ku tua, sin kinotaauan-Kubí kon nongkon onda in Akuoi namangoi bo kon onda in bayáan-Ku.

YOHANES 6:62

Yo onu degá in mobaḻí aka moiko in mokoontongdon kon i Adí Intau mamonik bui kon tampat-Nea inta muna?

YOHANES 6:58

Naabí in roti inta noponag nongkon soroga: deemanbí ná roti inta kinaan in mogoguyang monimu. Sin naonda in nokaan mako kon roti tatua, mosia in minatoi doman. Táe intau inta mokaan kon roti tanaa in umuranbí mobiag.”

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

YOHANES 6:41

Intau mita Yahudi mulaidon mongunsingog kon i Yesus, sin ki Yesus in noguman: “Akuoi in roti inta noponag nongkon soroga.”

YOHANES 6:38

Sin Akuoi in namangoi nongkon soroga deemanbí mamangoi mogaid kon onu inta kinoibog-Ku tontaní, táe mogaidbí kon inta kinoibog-Nea inta nopotabá kon i-Nakó.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

MAZMUR 139:15

Kon tungkuḷ in tuḷanku mita pinomia, takin pandoi pinipid kon bonu in bobuḷadían i ináku, kon dodai in akuoi nobiag noiadop kon tua, akuoi in diábí noiadop kon ini-Mu.

IḶUAIAN 19:20

Ki Tuhan noponag kon tudu in Buḷud Sinai, bo nogoiní kon i Musa sin mamangoi kon tudu in buḷud tatua. Dá notakod in ki Musa,

YEHEZKIEL 31:14

Tua mita in nobaḻí sinbá pinangkoi kon tanaa, diá bidon in pangkoi in kayu in mobiag ná tatua in koḷantudnea; diá bidon in ḷuntung in kayu inta moitunduḷ in goḷom umpakabí mokouḻí kon tubig inta mobarong. Komintanbí musti matoi ná intau inta ilo-ilow, bo noyosipun in intau mita inta ain noponag kon dunia in intau minatoi.”