EPESUS 4:3 - Alkitab Singog In Mongondow Masa In Tanaa

³ Ramujibí totok in mobiag moyodame sinbá kobiagan notobatú inta ain pinomia in Roho i Allah tantú koḷukadan.

EPESUS 4:3 Referans Kwoze

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

YOHANES 13:34

Akuoi in mobogoi in parenta mobagu kon i monimu: Moiko in mustibí mositabian tobatú bo tobatú. Ná Akuoi motabi kon i monimu, dá moiko in musti mositabian doman natua.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

TESALONIKA 1 5:13

Umuranbí horomat bo kotabi in mosia tua, sin oaidan inta inaidan monia tatua in deemanbí tongá ibo-ibog. Kobiagbí motompia bo umuran mototabian in moiko.

EPESUS 4:4

Tongábí tobatú in awak bo tobatú in Roho. Dá natua doman in moiko inoiní sin moharap kon tobatú inta notongkai tua.

EPESUS 4:13

Sahingga in kita komintan motobatúdon kon pirisaya bo motongkaidon in pongortian kon soaḷ ki Adí i Allah. Bo kita in mobaḻí intau mita inta noguyangdon kon pirisaya, inta koonggot-koonggot kodugang-kodugangdon in kososompurna ná ki Kristus.

IḶUAIAN 28:32

Bubú in sigogownea inirigonan in pita sinuji sinbá diá mogampang moberak.

DATU MITA IMITÁNEA 16:21

Nobaḻídon in rogenggeng kon bangusa in Israel popisí in oyúon in moibog sinbá ki Tibni ki adí i Ginat in mobaḻí datu, táe oyúon doman in moibog sinbá ki Omri in mobaḻí datu.

MOHOHUTUBA 4:12

Intau doyowa inta moyotakin mayá motaaubí monayow kon mononubu, táe aka tongá totobatú yo mogampangbí in monaḷow. Toḷu nougat in tontogot inta iḷubid, mororigabí in bontowon.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.