EPESUS 3:18 - Alkitab Singog In Mongondow Masa In Tanaa

¹⁸ Akuoi in umuran mosambayang, sinbá moiko takin bayongan in umat i Allah in monotaaudon kon kobobarakat, koḷoḷanggó, koḷoḷantud bo kododaḷom in tabi i Kristus,

EPESUS 3:18 Referans Kwoze

YOHANES 15:13

Intau inta totok in motabi kon yobayatnea mita in intaubí inta nobogoi in kobiagannea sin kopontingan monia.

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

EPESUS 3:19

inta aka tongá podoyon kon raian intau yo diábí monotaau kon tua moako-ako. Sambayanganku sinbá moiko in monotaaudon kon tabi i Kristus tatua, sahingga moiko in kawasaandon in sipat i Allah inta nosompurna.

YESAYA 55:9

Ná kinoyoyayú in ḷangit nongkon butá, dá natua doman in koḷantud in raian-Ku nongkon raianmu, bo daḷan-Ku kon ḻimonik in daḷanmu.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

EPESUS 1:15

Manangka intua naonda in kinodongoganku kon moiko in nopirisayadon kon i Tuhan Yesus, bo motabi doman kon bayongan in umat i Allah,

MAZMUR 145:10

Bayongan inta binaḻí-Mu in modayowbí kon ini-Mu, o Tuhan, bayongan in umat in mopoyaputbí in sukur kon ini-Mu.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

MAZMUR 139:6

Moiḻiu in ako kon inakó in sinotaau-Mu tatua, diábí kogawadan in raianku.

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.

MAZMUR 132:9

Igumon mako in umat-Mu monggiow pia in gina, bo imang-Mu mita in umuran mobiag podudui in ibog-Mu.

TAWARIKH 2 6:41

Sindogpa kaasí in tanaa mako, o Tuhan Allah! Bo moyotakin in Poti Dodandian inta nobaḻí tomponuot kon kawasa-Mu intua dá igumon mako tumuotdon in Iko kon Baḷoi-Mu tanaa bo mogutun kon naa moidapot in mononoi. Barakataipa in bayongan in oaidan in imang-Mu mita, bo poigumon mako bayongan in umat-Mu moḷunganga in gina popisí in Iko in mopia kon i monia.

TIMOTIUS 1 3:16

Diábí tobatúmai in motaau momayow, kon moḷobenbí totok in onu inta noibunipa kon agama naton naa: Sia namangoi in dunia naa sinumon rupa intau, bo inakubí in Roho i Allah, bo inontong in malaekat mita. Habarnea pinowayadon kon sigad in bayongan bangusa, bo Sia in pinirisaya in bayongan intau kon dunia naa poḷat sinintak namonik in soroga.

KORINTUS 2 13:13

Totabi bo barakat i Tuhan Yesus Kristus bo i Allah takin kawasa in Roho Mokudus umuran kotaki-takin monimu komintan! Horomat nami, Ki Paulus

ZAKHARIA 14:5

Moiko in moḷaguibí mongin ḷopá inta nomotak kon tombuḷud tatua nobaḻí doyowa. Moiko in moḷaguibí ná mogoguyangmu kon tungkuḷ in ḻinug kon dodai in ki Uzia datu in Yohuda. Bo namangoidon in ki Tuhan Allahku, sinakinan in bayongan in malaekat.

MAZMUR 116:15

Ki Tuhan in totok in motabi kon kopatoian in intau inta kinotabi-Nea.