EPESUS 1:16 - Alkitab Singog In Mongondow Masa In Tanaa

¹⁶ dá akuoi in tantú mopoyaput in sukur kon i Allah sin lantaran moiko. Pomuḷoi in akuoi mosambayang umuranku doman kotangoian i moiko.

EPESUS 1:16 Referans Kwoze

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

KOLOSE 1:3

Dinongogdon nami kon moiko ain nopirisaya kon i Yesus Kristus bo motabi doman kon bayongan umat i Allah. Manangka intua wakutu in sinambayangan nami in moiko, kami in umuran doman nopoyaput in sukur kon i Allah, ki Amá i Yesus Kristus, Tuhan naton.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TESALONIKA 1 1:2

Umuran in kami mosukur kon i Allah sin pirisaya monimu. Pomuḷoi in kami mosambayang, tantú kotoropan nami in moiko. Umuran doman kotoropan nami in oaid monimu inta pinodoyon kon pirisaya kon i Tuhan naton ki Yesus Kristus inta motabi bo moibog doman motuḷung kon tumpaḷa intau. Kinotoropan doman nami in kororoton gina monimu in moharap mako kon i Tuhan naton ki Yesus Kristus.

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

TESALONIKA 1 5:17

bo dika koḻiongan in mosambayang.

YESAYA 62:6

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea.

SAMUEL 1 7:8

Mosia in noguman kon i Samuel, “Dikadon mogoga-gogai in mosambayang kon i Tuhan Allah naton sinbá posaḷamaton-Nea in kita nongkon intau in Pilistin.”

KINOBAḺIAN 40:14

Táe kotoropaipa in akuoi aka iko motompiadon in kobobiagmu. Tuḷungai bo pogumandon kon i datu onu inta nobaḻí tanaa, sinbá akuoi poḷuaiondon kon ponjara tanaa.