EPESUS 1:14 - Alkitab Singog In Mongondow Masa In Tanaa

¹⁴ Roho tatua in nobaḻí jaminan kon kita in motarimabí kon onu inta ain pinodandi i Allah kon umat-Nea. Tanaa mobogoi in koyakinan kon i naton kon pobebasonbí i Allah in umat-Nea. Dinayo-dayowdon in ki Allah sin oaidan-Nea inta totok moḷoben tatua!

EPESUS 1:14 Referans Kwoze

KORINTUS 2 5:5

Ki Allahbí in noposadia kon tua komintan, bo Siabí doman tua inta nobogoi in Roho-Nea kon i naton saḷaku jaminan.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

EPESUS 1:12

Koḻigai in kita inta muna-munamai moharap kon i Kristus, modayow kon i Allah sin oaidan-Nea inta totok in moḷoben!

OUMAN IN RASUL MITA 20:32

Bo tanaa mako in posarakankudon moiko kon i Tuhan sinbá Sia in moḷukad kon i monimu bo bá moiko in umuran kumadai mako kon totabi-Nea. Ki Allah in nopuḻing kawasa inta mokorigon kon i monimu bo Sia in mobogoi kon i monimu in barakat mita inta ain sinadia-Nea kon bayongan umat-Nea.

MAZMUR 78:54

Bo umat-Nea in dinia-Nea kon butá-Nea inta motusi, kon buḷud inta inagow-Nea tontaní.

MAZMUR 74:2

Toropdon in umat-Mu inta piniḻí-Mu nongkon dungkuḷmai, bangusa inta pinoḷuai-Mu sinbá mobaḻí kapunyaan-Mu. Toropdon in Tombuḷud in Sion, inta binaḻí-Mu pogogutunan-Mu.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

LUKAS 21:28

Aka tua bo mobaḻídon, yo pobangondon bo ḷangag kon ḷangit, sin diádon moonggot bo posaḷamaton in moiko.”

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.